कौऱ्याची परिसीमा ; बलात्कार  आणि हत्या करून गुप्तांगात घातली बाटली

अंबिकापूर / विशेष प्रतिनिधी 

                         छत्तीसगड च्या अंबिकापूर जिल्ह्यातून एक हादरविणारी बातमी समोर येत आहे. येथे एका अज्ञात महिलेवर बलात्कार करून तिची हत्या करण्यात आली आहे. मारेकरुने कौऱ्याची परिसीमा गाठत तिच्या गुप्तांगात बाटली घातल्याचा घृणास्पद प्रकार समोर आला आहे. पोलिसांनी गुन्हा दाखल केला असून तपास सुरू केला आहे. 

सीसीटीव्ही फुटेजमधून असे दिसून येते की, ही भीषण घटना पहाटे 1:00 ते 4:00 च्या दरम्यान घडली. फुटेजमध्ये आरोपी आणि ती महिला पहाटे 1 वाजता महामाया रोडवरून सद्भावना चौकाच्या दिशेने चालताना दिसत आहेत. रिंग रोडवरील मासे आणि मटणाच्या दुकानांजवळ, जिथे रात्रीच्या सुरक्षेसाठी हिरव्या जाळ्या लावलेल्या आहेत, तिथे आरोपीने आधी त्या महिलेवर बलात्कार केला. त्यानंतर त्याने तिला जवळच्याच एका दुकानात ओढत नेले, जिथे त्याने दगडाने तिचे डोके ठेचून तिचा जीव घेतला.

सीसीटीव्ही आणि व्हॉइस रेकॉर्डरमध्ये किंकाळ्या कैद

घटनास्थळाजवळ लावलेल्या सीसीटीव्ही कॅमेऱ्यांमध्ये ही क्रूरता स्पष्टपणे कैद झाली. खुनाचे ठिकाण थेट दिसत नसले तरी, जवळच्याच एका व्हॉइस रेकॉर्डरमध्ये पीडितेच्या शेवटच्या किंकाळ्या रेकॉर्ड झाल्या. ती महिला तिला मारू नका अशी वारंवार विनवणी करत होती, परंतु आरोपीने तिचा गळा दाबून खून केला. संशयित पहाटे 4 वाजण्याच्या सुमारास घटनास्थळावरून निघून जाताना दिसला.

दोघे सोबत गोळा करायचे भंगार

पोलिसांच्या प्राथमिक तपासानुसार, मृत व्यक्ती आणि संशयित आरोपी हे भटके होते आणि एकत्र भंगार गोळा करण्याचे काम करत होते. स्थानिक भंगार विक्रेत्यांनी त्यांना अनेकदा एकत्र पाहिले जात असल्याचे दुजोरा दिला आहे. तथापि, महिलेची वेगवेगळी नावे समोर येत असल्याने, तिची अधिकृत ओळख अद्याप पटलेली नाही, अशी माहिती एसएसपी राजेश अग्रवाल यांनी दिली. न्यायवैद्यक तज्ञ आणि श्वान पथकाने घटनास्थळाची पाहणी केली आहे.

सुरक्षेवर प्रश्न ऐरणीवर

दाट लोकवस्तीच्या भागाजवळ आणि प्रमुख चौकात घडलेल्या या घटनेमुळे सुरक्षेविषयी प्रश्न निर्माण झाले आहेत. माजी नगरसेवक सतीश बारी यांनी या घटनेची माहिती पोलिसांना दिली असून, अशा संवेदनशील भागांमध्ये पोलीस कर्मचारी कायमस्वरूपी रात्रीच्या पहार्यावर तैनात करण्याची मागणी केली आहे. सध्या, सीसीटीव्ही फुटेजच्या आधारे आरोपीला अटक करण्यासाठी पोलीस छापे टाकत आहेत.

मृत महिलेची ओळख अद्याप पटलेली नाही. काही लोकांनी वेगवेगळी नावे सांगितल्यामुळे, सध्या कोणतीही ठोस गोष्ट सांगणे शक्य नाही. संशयिताची ओळख पटली आहे. पोलीस पथके त्याला अटक करण्याचे काम करत आहेत. त्याला पकडल्यानंतर या घटनेमागील हेतू स्पष्ट होईल. महिलेचीही ओळख पटवली जाईल. – राजेश अग्रवाल, डीआयजी आणि वरिष्ठ पोलीस अधीक्षक, सुरगुजा