पंतप्रधान मोदींच्या हस्ते आभासी शुभारंभ….
आमदार अडसड राहणार उपस्थित….
धामणगाव रेल्वे / प्रतिनिधी
रेल्वे मंत्रालयाने अमृत भारत स्थानक योजनेअंतर्गत
भारताच्या ५०८ रेल्वे स्थानकांवर प्रवाशांना येणाऱ्या अनुभवाची गुणवत्ता वाढविण्यासाठी महत्वाकांक्षी प्रकल्प हाती घेतला आहे महत्त्वाच्या स्थानकांना अध्ययावत करण्याव्यतिरिक्त अनेक योजना आहेत या “अमृत भारत स्थानक” योजनेमध्ये नागपूर विभागातील १५ रेल्वे स्थानकांचा समावेश आहे यात धामणगाव रेल्वे स्थानकाचे नाव समाविष्ट करण्यात आले आहे रविवार ६ ऑगस्ट २०२३ ला धामणगाव रेल्वे स्टेशन चे पंतप्रधान नरेंद्र मोदी यांच्या हस्ते आभासी पद्धतीने विकास कामांचा शुभारंभ व भाषण असून याप्रसंगी आमदार प्रताप अडसड प्रामुख्याने उपस्थित राहतील
धामणगाव शहरातील रेल्वे स्थानकावर सकाळी ९ =०० वाजता आयोजित “अमृत भारत फाउंडेशन महोत्सव” दरम्यान आयोजित चित्रकला, बौद्धिक व अन्य विद्यार्थ्यांचा सत्कार तसेच शहरातील नामवंत व राष्ट्र कार्यात सहभागी असणाऱ्या व्यक्तींचा सत्कार सुद्धा घेण्यात येणार असल्याची माहिती रेल्वे विभागाकडून प्राप्त झाली आहे
——————————————
जनतेने आवर्जून उपस्थित रहावे… अडसड धामणगाव रेल्वे स्टेशन वर होणाऱ्या अमृत भारत फाउंडेशन महोत्सव निमित्ताने पंतप्रधान नरेंद्र मोदी आपल्या सर्वांसमोर आभासी पद्धतीने उद्बोधन करणार आहे त्यामुळे जनतेने रविवार ६ ऑगस्ट ला सकाळी ९ वाजता आवर्जून उपस्थित राहण्याचे आवाहन आमदार प्रताप अडसड यांनी प्रसिद्धी द्वारा केले आहे
———————————–
धामणगावच्या रेल्वे स्टेशन करिता रेल्वे विभागाने धामणगाव शहरातील जनतेला आपले मत आणि सुझाव प्रभावीपणे सादर करण्याकरिता ई-मेल द्वारे व ट्विटर द्वारे करण्याचे आवाहन केले आहे शहरातील जनतेने व प्रवाशांनी ई-मेल द्वारे किंवा ट्विटर द्वारे आपले मत किंवा सुझाव रेल्वे प्रशासनाला कळवावे असे आवाहन व विनंती धामणगाव विधानसभा प्रमुख रावसाहेब रोठे भाजपाध्यक्ष गिरीश भुतडा सरचिटणीस अशोक शर्मा,विनोद धुर्वे रेल्वे सल्लागार समिती सदस्य कमल छांगाणी,अर्चना राऊत,दिनेश मुंधडा,दिनेश बोबडे,सुनिल साकुरे यांनी केले आहे —————————————
“अमृत भारत स्थानक” योजनेअंतर्गत आवश्यक तिथे अतिरिक्त एफओबीची तरतूद लिफ्ट आणि एस्क्युलेटर्स तरतूद, वितरण एरिया आणि वाहतूक जागेत सुधारणा, प्रतीक्षा गृह आणि शौचालयाची सुधारणा, स्थानकांचा दर्शनी भाग अध्ययावत करणे, स्थानकावरून विद्युत व्यवस्था सुधारणे, विविध चिन्हे ट्रेन इंडिकेटर बोर्ड आणि कोच इंडिकेशन बोर्डची तरतूद आणि सुधारणा करणे, वाहनांच्या पार्किंगची सुधारणा आणि विस्तार, प्लॅटफॉर्म वरील कव्हर चा विस्तार आणि सुधारणा करणे या गोष्टीं समाविष्ट आहेत
