महिलांनी केला भारसाकळेंच्या विजयाचा निर्धार..!
हीवरखेड :- भारतीय जनता पार्टी व महायुतीचे अकोट मतदार संघाचे अधिकृत उमेदवार प्रकाश भाऊ भार साकडे यांच्या प्रचारार्थ दिनांक 16 नोव्हेंबर रोजी हिवरखेड येथे भव्य विजय संकल्प रॅलीचे आयोजन करण्यात आले होते या रॅलीमध्ये हजारो महिलांनी स्वयंस्फूर्तीने आपला सहभाग नोंदवून भारसाकळे यांच्या विजयावर शिक्कामोर्तब केला आहे. या रॅलीमध्ये प्रमुख उपस्थितीत अकोल्याचे खासदार अनुप धोत्रे, भारतीय जनता पार्टीचे प्रदेश उपाध्यक्ष अनिल गावंडे व प्रकाश भाऊ भारसाकळे उपस्थित होते. सदर रॅली हिवरखेड येथील चंडिका चौक येथून सुरू करण्यात येऊन बारगनपुरा, गावंडे खेल गोर्धिवेस, कार्लावेस, इंदिरा नगर विकास मैदान देवळी वेस्ट शिवाजी चौक मेडिकल चौक व मेन रोड मार्गे परत चंडिका चौक असे गणपती विसर्जन मिरवणूक मार्गाने काढण्यात येऊन चंडिका चौक येथे सदर रॅलीचा समारोप करण्यात आला या भव्य रॅलीमध्ये महिलांनी स्वयंस्फूर्तीने युतीसरकारने महिलांसाठी कार्यान्वित केलेल्या मुख्यमंत्री माझी लाडकी बहीण योजना, महिलांना निम्मे तिकिटावर बसचा प्रवास, आरोग्य संदर्भातील योजना, उज्वला गॅस योजना, बांधकाम कामगार योजना, अशा विविध योजनांचि माहिती देणारे बॅनर रॅली मध्ये उंचाउन मतदार राज्याची जागृती केली. या रॅली मध्ये भारतीय जनता पार्टी, शिवसेना, राष्ट्रवादी, रीपाई व महायुतीचे मतदासंघांतील पदाधिकारी व कार्यकर्ते मोठ्या संख्येने उपस्थित होते.
