मार्गावरील जाणाऱ्या येणाऱ्या नागरिकांना केली मारहाण.
कारंजा (लाङ) अक्षय लोटे
वाशिम जिल्ह्यातील कारंजा लाड येथील घटना. छत्रपती शिवाजी महाराज चौकात तीन चार अज्ञात युवकांनी मद्य प्राशन करून राडा केला. सविस्तर वृत्त असे की दिनांक 3 जून रोजी रात्री साडेदहा वाजताच्या दरम्यान तीन चार मद्यप्राशन केलेल्या अज्ञात युवकांनी राडा केला. त्या अज्ञात युवकांनी यावेळी रस्त्यावरून येणाऱ्या जाणाऱ्या दुचाकी स्वारांना पाडले, काही व्यक्तींना मारहाण केली, फळांच्या दुकानातील फळे फेकून दिले. यावेळी काही युवकांच्या हातात चाकू असल्याची माहिती नागरिकांनमधे सुरू असलेल्या चर्चेतून मिळाली.
या घटनेमुळे छत्रपती शिवाजी महाराज चौक, जयस्तंभ चौक या भागात तणावपूर्ण वातावरण निर्माण झाले होते. मात्र काही विपरीत घडण्याच्या आत कारंजा पोलिस घटनास्थळावर पोहोचल्यामुळे ते अज्ञात युवक घटनास्थळावरून पसार झाले.
घडलेल्या या प्रकारामुळे शहरात काही लोक दहशत निर्माण पसरवण्याचे काम करत असल्याचे निदर्शनास येत आले आहे, यामुळे असल्या गुंड प्रवृत्तीच्या व्यक्तींना ताबडतोब पोलिसांनी आपला हिसका दाखवून शहराची शांतता भंग करणाऱ्यांवर ताबडतोब कारवाई करावी अशी मागणी जनतेतून होत आहे.
