मोठे काही करण्यापूर्वी बिष्णोई चे मौनव्रत आणि उपवास 

                   सलमान खान च्या घरावर गोळीबार ते गायक मुसा याच्या हत्येनंतर चर्चेत आलेल्या बिष्णोई गॅंग ची चर्चा आहे. नुकतेच (१३ ऑक्टोबर ) या गॅंग ने राष्ट्रवादीचे माजी आमदार बाबा सिद्दीकी यांची गोळ्या झाडून हत्या केली आहे.  जो सलमान खान आणि दाऊद गँगची मदत करणार, त्याने आपला हिशोब लिहून ठेवावा, असं या पोस्टमध्ये लिहिलंय. गँगच्या एका सदस्याने फेसबुकवर यासंदर्भात पोस्ट लिहिली आहे.

सलमान खान आणि लॉरेंस बिश्नोई गँगमधील वाद नवीन नाही. याच वर्षी लॉरेंस बिश्नोईच्या शूटर्सनी सलमान खान यांच्या घराची रेकी करून गोळीबार केला होता. त्यानंतर सलमान खान यांचे वडील सलीम खान यांना धमकीचे पत्र देखील मिळाले होते.

लॉरेंस बिश्नोई सध्या गुजरातच्या तुरुंगात आहे, परंतु त्याचे गुन्हेगारी साम्राज्य बाहेरूनच चालवले जात आहे. बाबा सिद्दीकी यांची हत्या हे याच दहशतीचे उदाहरण आहे. लॉरेन्स बिष्णोई गँग काळवीट शिकार प्रकरणापासून चर्चेत आहे.

मात्र, आता या गँगबद्दल आणखी एक खुलासा झाला आहे. कोणताही मोठा गुन्हा करण्याआधी लॉरेन्स बिष्णोई हा नऊ दिवस उपवास करत असल्याची माहिती समोर आली आहे.

प्रसिद्ध वृत्तसंस्थेने दिलेल्या माहितीनुसार, साबरमती तुरुंगात लॉरेन्स बिष्णोईने नवरात्रीत नऊ दिवसांचा मौन व्रत केला होता. यादरम्यान तो कोणाशी काहीच बोलायचा नाही. त्याचसोबत तो काही खायचाही नाही.

जेव्हा जेव्हा बिष्णोई हे व्रत करतो, तेव्हा त्याच्या गँगकडून मोठा गुन्हा करण्यात येतो, असं मानलं जातंय. लॉरेन्स बिष्णोईला साबरमती तुरुंगात एका वेगळ्या सेलमध्ये ठेवलं गेलंय.

बिष्णोईच्या जेवणात सहसा दूध, दही आणि फळ यांचा समावेश असतो. याशिवाय तो तुरुंगात बॅडमिंट खेळतो आणि व्यायामावरही अधिक भर देतो. भारतामध्ये केवळ लॉरेंस बिश्नोईच नाही, तर इतरही अनेक गँगस्टर्स सक्रिय आहेत.

बिश्नोई गँगकडे 700 पेक्षा जास्त शूटर

सध्या बिश्नोई गँग सतविंदर सिंह उर्फ गोल्डी बराड ऑपरेट करत आहे. बिश्नोई गँगमध्ये 700 पेक्षा जास्त शूटर आहेत. त्यातील 300 जण पंजाबमधील आहे.

लॉरेंस बिश्नोई गँग फक्त पंजाबपर्यंत मर्यादीत नाही. त्याचे देश-विदेशात अनेक ठिकाणी नेटवर्क आहेत. ही गॅंग सोशल मीडिया आणि इतर मार्गाने आपल्या गॅंगमध्ये भरती करते.