एकतर्फी प्रेमातून तरुणीच्या कुटुंबाने तरुणाला जिवंत जाळले

याबाबत मिळालेली माहिती अशी की, वजिराबादमध्ये राहणाऱ्या मोहम्मद नौमान याचं मामाच्याच मुलीवर प्रेम होतो. नौमानच्या कुटुंबियांनी दावा केला आहे की, दोघांचं एकमेकांवर प्रेम होतं आणि दोघेही लग्न करणार होते. मात्र तरुणीच्या कुटुंबियांनी नकार दिला. त्यानंतर तरुणीने नौमानला घरी बोलावलं आणि जिवंत जाळलं. दरम्यान, तरुणीच्या कुटुंबियांनी हे आरोप फेटाळले असून नौमाननेच घरी येऊन स्वत:ला पेटवून घेतल्याचं म्हटलंय.

पोलिस या प्रकरणाचा तपास करत असून मृत्यू आधी नौमानने दिलेल्या जबाबाच्या आधारे गुन्हा दाखल केला आहे. त्याच्या जबाबात विरोधाभास आढळून आला असून घटनास्थळावरचे पुरावे गोळा करण्यात आले आहेत. पोलिसांनी तरुणीच्या घराजवळ लावलेल्या सीसीटीव्ही फुटेजची तपाासणी केलीय. तपासानंतर पुढील कारवाई करण्यात येणार आहे.

पोलिसांनी सांगितले की, प्राथमिक तपासात एकतर्फी प्रेमातून हे घडल्याचं दिसून येतंय. मृत्यू झालेल्या तरुणीने तरुणीला लग्नाची मागणी घातली होती. पण मुलीकडून नकार देण्यात आला होता. तर मुलीने त्याला बोलावल्याचं तरुणाने जबाबाबत सांगितलंय. तरुण ७५ टक्के भाजला होता. शुक्रवारी सकाळी त्याचा मृत्यू झाला.