समृद्धी महामार्गावर चालकास झोप लागल्यामुळे अपघात.
दुचाकी समोर नीलगाय आडवी आल्यामुळे दुसरा अपघात.
कारंजा / अक्षय लोटे
दि. 15 जून रोजी पहिला अपघात सकाळी साडेसहाच्या सुमारास समृध्दी महामार्गावर झाला.
विश्वकर्मा नामक कुटुंब हे नागपूर वरून कोल्हापूर ला जण्यासाठी आपल्या कारने निघाले होते.
कारंजा लाड जवळ समृद्धी महामार्गावर लोकेशन 169 वर कार चालकाला झोप लागल्यामुळे अपघात झाला. अपघात इतका भयंकर होता की कार तीन ते चार घेऊन मार्गाच्या डाव्या बाजू कडून उजव्या बाजूला जाऊन पडली. कार मध्ये असलेल्या विश्वकर्मा परिवारातील तीनही व्यक्ती
किरकोळ जखमी झाल्या असून सुदैवाने जीवित हानी टळली.
जखमींचा प्राथमिक उपचार उपजिल्हा रुग्णालय कारंजा येथे करण्यात आला.
दुसरा अपघात सकाळी 11 वाजता भडशिवनी फाट्या नजीक दुचाकी समोर निलगाय आडवी आल्याने झाला.
मोटरसायकलवर काळबांडे नामक पती-पत्नी अमरावती येथून कारंजा लाड येथे जात असताना कारंजा जवळ भडशिवनी फाट्या नजिक मोटर सायकल समोर अचानक नीलगाय आडवी आल्याने अपघात झाला या अपघातात सौ. शिवगंगा काळबांडे राहणार कारंजा लाड ह्या गंभीर जखमी झाल्या असून यांचा प्राथमिक उपचार उपजिल्हा रुग्णालय कारंजा येथे करून यांना पुढील उपचारासाठी अमरावती येथे पाठवण्यात आले आहे सदर दोन्हीही अपघाताची माहिती रुग्णसेवक रमेश देशमुख यांनी विदर्भ न्यूज ला दिली आहे.
