घाटंजी तालुका प्रतिनिधी- सचिन कर्णेवार
आपल्या पुतण्याच्या लग्न सोहळ्यासाठी उपस्थित राहून रात्री आपल्या गावी परत जात असताना मोटरसायकलला अज्ञात वाहनाने धडक दिली. यामध्ये मोटर वाहन चालक अमृत बापूराव नैताम मारेगाव वय 55 वर्ष यांचा जागीच मृत्यू झाला तर, त्यांची पत्नी सौ मंदा अमृत नैताम ही गंभीर जखमी झाली असून तिला तात्काळ उपचारार्थ शासकीय रुग्णालय यवतमाळ येथे दाखल करण्यात आले सल्याच कळते. हा भीषण अपघात घाटंजी पांढरकवडा रोड वरील मांडवा गावाजवळ घडला. अमृत बापूराव नैताम आणि सौ मंदा अमृत नैताम हे दोघे दाम्पत्य केळापूर येथून आपल्या पुतण्याचे लग्न करून आपल्या गावी परतत् असतांणा हा अपघात झाला.यात क्षतीग्रस्त मोटरसायकल क्रमांक MH 29 p 1965 या असल्याचे कळते.अपघातामध्ये अमूत बापूराव नैताम हे जागीच ठार झाले तर मंदा अमृत नैताम ही महिला गंभीर जखमी झाली. लग्न आटोपून परत गावी जात असतांणा ही दूखद घटना घडली. विरुद्ध दिशेने येणाऱ्या अज्ञात वाहन चालक प्रकरणी अजबराव नैताम यांनी घाटंजी पोलीस स्टेशनला तक्रार नोंदवली असून पोलिसांनी अज्ञात वाहन चालकाविरुद्ध गुन्हा दाखल केला आसुन पुढील तपास सुरू आहे.
