नक्षलवाद्यांविरोधातील कामगिरीमुळे उपायुक्त नवनाथ ढवळे राष्ट्रपती शौर्य पदकाने सन्मानित .

पारनेर [ श्री सुरेश खोसे पाटील यांजकडून ] – पारनेर तालुक्यातील वडझिरेचे सुपुत्र व मुंबई येथे पोलीस उपायुक्त पदी कार्यरत असलेले नवनाथ ढवळेंना मुंबई येथे राजभवनात गुरुवारी दि. ६ रोजी झालेल्या सोहळ्यात राज्यपाल रमेश बैस यांच्या शुभहस्ते राष्ट्रपती शौर्य पदकाने सन्मानित करण्यात आले.
स्वातंत्र्य दिनाच्या दिवशी दि .१५ ऑगस्ट २०२१ रोजी हा पुरस्कार जाहीर झाला होता. गडचिरोली जिल्ह्यातील नक्षलवाद्यांविरोधातील कामगिरीबद्दल पोलीस उपायुक्त नवनाथ ढवळे यांना राष्ट्रपती शौर्य पुरस्कार देऊन सन्मानित केले. सध्या ते बृहन्मुंबई मध्ये पोलीस उपायुक्त पदावर काम करीत आहेत.गडचिरोली जिल्ह्यात धानोरा उपविभागात हुर्रेकसा जंगलातील कुप्रसिद्ध नक्षलवादी रजिता उसेंडी हिच्यासह तिच्या इतर साथीदारां ना यमसदनी धाडले . ढवळे व त्यांच्या सहकाऱ्यांनी तब्बल १२ तास झुंज देऊन उसेंडी सह इतर नक्षलवाद्यांचा खत्म केला होता. गडचिरोली जिल्ह्यात त्यांनी केलेल्या या उत्कृष्ट कामगिरीबद्दल त्यांना २०२१ मध्ये राष्ट्रपती शौर्य पुरस्कार जाहीर झाला होता. मूळचे पारनेर तालुक्यातील वडझिरे गावचे रहिवासी असलेले ढवळे यांनी पोलीस दलात पोलीस उपअधीक्षक पदापासून कामास सुरुवात केली. त्यांनी गडचिरोली, कराड, चिपळूण, शहापूर या ठिकाणी चांगले काम केल्यानंतर भिवंडी येथे त्यांना पोलीस उपायुक्त पदावर बढती झाली. ढवळे हे २०१५ ते २०१७ या काळात गडचिरोली जिल्हा पोलीस दलात उपविभागीय पोलीस अधीक्षक म्हणून काम पाहत असताना त्यांनी अनेक वेळा नक्षलवाद्यांविरोधात मोहिमा राबवल्या व यशस्वी केल्या. पोलीस मदत केंद्रातील हुर्रेकसा जंगलात त्यांनी त्यांच्या सहकाऱ्यांसह कुप्रसिद्ध नक्षलवादी रजिता उसेंडी हिला यमसदनी धाडले , तिच्या वर उसेंडी तिच्यावर १३९ गुन्हे दाखल होते. तिला पकडण्यासाठी १६ लाखांचे बक्षीस ठेवण्यात आले होते. ढवळे व त्यांच्या सहकाऱ्यांनी जीवाची बाजी लावत ही कामगिरी केली होती. त्याची दखल घेऊन त्यांना राष्ट्रपती शौर्यपदक जाहीर झाले आहे.
पोलीस उपायुक्त नवनाथ ढवळे यांच्या या सन्माना बद्दल पारनेर तालुका व वडझिरे परिसरात कौतूक होत आहे .