चलो बुध्द की ओर” बुद्ध जयंती निमित्त विश्र्वशांती करीता महारॅलीचे आयोजन

नेर प्रतिनिधी / नवनाथ दरोई

मैत्री बौद्ध विहार चाॅरिटेबल ट्रस्ट नेरच्या वतीने डॉ. बाबासाहेब आंबेडकर चौक येथून महाकारुणीक तथागत भगवान गौतम बुद्धाच्या जयंती निमित्त शहरात शांतता नांदावी या करीता यवतमाळ, अमरावती रांज्य महामार्गावरुण नेर शहरातील मुख्य भागातून विश्र्वशांतीसाठी हि रॅली काढण्यात आली.यावेळी भंते अश्वघोष, भंते बुद्धपाल, आचार्य भंते मेधनकर आणि तिन दिवस श्रमानेर दिक्षा घेतलेले लहान भंते बालक,समता सैनिक दल आणि नेर शहरातील अनुयायांनी प्रकाशमय मेनबंती घेऊन रॅलीमधे सहभाग घेतला. रॅली मधिल सर्वनीच पाढरे शुभ्र वस्त्र परिधान केले होते.रॅली संपल्या नंतर बुद्ध वंदना झाली.यावेळी आयोजन समिती तर्फे भोजनदानाचे आयोजन करण्यात आले.भीम तरुण उत्साही मंडळ, सिध्दार्थ युवक मंडळ, बौधीसत्व महिला मंडळ, आम्रपाली महिला मंडळ ,पंचशील युवक मंडळ, तथागत युवक मंडळ,रमाई महिला मंडळ,तरुण उत्साही तथागत मंडळ कोहळा पुनर्वसन इत्यादि मंडळांनी या मिरवणुकीत सहभागी झाले होते. जागतिक शांतता , समता, बंधुता , एकता ,विश्र्व कल्याणकारी मानविय तर्कशील तत्त्वज्ञान ,विज्ञाननिष्ठ विश्वकुटुंब संकल्पना बौद्ध तत्त्वज्ञानाचा जगातील सर्वश्रेष्ठ सम्यक संबुध्द मार्ग आहे. बौद्ध हा धर्म नसून धम्म आहे आणि धम्म या नितळ उजेडसंहितेसारखी संहिता जगात कुठेच नाही. “जी व्यक्ती चिकित्सक होते ती धम्म स्वीकारते आणि धम्म स्वीकारते ती व्यक्ती चिकित्सकच होते” विज्ञाननिष्ठ, बुद्धिवादी आणि सर्वानुकंपाय असतो तो माणूस बौद्धच असतो.. यशवंत मनोहर.
चार्वाक, सॉक्रेटिस, आइनस्टाइन, रसेल, पेरियार या विश्वनागरीक प्रज्ञा बौद्धच होत्या जागतिक कीर्तीच्या या तत्त्वज्ञानी, वैज्ञानिकांनी, मनोचिकित्सकांनी,विचारवंतांनी आपल्या आधुनिक तत्वज्ञाना मधुन आज जगाला विश्र्वशांतीचा मार्ग व मानव कल्याणाचा जगातील सर्वश्रेष्ठ मार्ग फक्त बौद्ध तत्त्वज्ञानाचा, सम्यक संबुध्द एकमेव मार्ग असल्याचे जागतिक पटलावर अधोरेखित केले आहे. आणि म्हणूनच “चलो बुध्द की ओर” काळानुरूप संयुक्तिक आहे विश्र्वशांती रॅली मधून संपूर्ण मानवजातीला शांतीचा,
करुणाकारक सर्वानुकंपाय मानवी कल्याणकारक त्रिशर, पंचशिल, अष्टांगिक मार्गाचा संदेश देण्यात आला.