मारेगाव / प्रतिनिधी
मारेगाव तालुक्यातील केगाव येथे वीज पडल्याने महिलेचा दुर्दैवी मृत्यू झाला आहे. मेघा गणपत पानघाटे 55 रा. केगाव वेगाव असे मृत महिलेचे नाव आहे. शेतातून परतत असताना ही दुर्दैवी घटना घडली आहे.
उपलब्ध माहिती नुसार मेघा पानघाटे या ठेक्याने शेती करत असल्याने त्या शेतात गेल्या होत्या. सकाळ।पासून तालुक्यात पावसाची रिपरिप सुरू होती. अश्यातच अचानक ढग दाटून आले. आणि अचानक मेघगर्जनेसह पावसाला सुरुवात झाली. दरम्यान वीज कोसळल्याने मेघा पाणघाटे या त्यात सापडल्या आणि अंगावर वीज पडून त्या जागीच गतप्राण झाल्याची दुर्देवी घटना घडल्याने केगाव येथे हळहळ व्यक्त होत आहे.परिणामी, मृतक महिलेचे शव मारेगाव रुग्णालयात आणण्यात आले असून मृत मेघा पानघाटे हिच्या पश्चात पती, एक मुलगा व एक मुलगी आहे.
