शेतात सापडला मानवी सांगाडा ; बाजूला सापडलेल्या साडी वरून पती म्हणतो ती साडी माझ्या पत्नीची

पोलिसांना घटनास्थळाजवळ एक साडीही सापडली आहे. ही साडी गावातून बेपत्ता असलेल्या कुठल्या महिलेची असू शकते, असा संशय पोलिसांना आला. तेवढ्यात घटनास्थळी पोहोचलेल्या पितांबर यांनी ती साडी त्यांची पत्नी पूनम यांची असल्याचं ओळखलं. 30 वर्षांची पूनम ही 13 डिसेंबर 2025 पासून बेपत्ता असल्याची तक्रारही नागराम पोलीस स्टेशनमध्ये दाखल करण्यात आली होती.

धक्कादायक बाब म्हणजे, ज्या ठिकाणी सांगाडा सापडला ते ठिकाण पितांबरच्या घरापासून सुमारे 300 मीटर अंतरावर आहे. सांगाडा सापडल्याची बातमी मिळताच, मृत महिलेच्या कुटुंबातील सदस्यांनी घटनास्थळी धाव घेतली. पूनमची हत्या झाल्याचा आरोप त्यांनी कला आहे. पूनमची हत्या करून तिचा मृतदेह शेतात फेकून देण्यात आल्याचा आरोप त्यांनी केला आहे.

याप्रकरणी डीसीपी निपुण अग्रवाल यांनी दिलेल्या माहितीनुसार, 7 जानेवारी 2025 ला कुभारा गावातील रहिवासी चंद्रप्रकाश यांनी मोहरीच्या शेतात सांगाडा आढळल्याची माहिती दिली होती. पोलीस घटनास्थळी पोहोचले आणि त्यांनी पाहिलं तेव्हा हा सांगाडा विकृत अवस्थेत पडलेला आढळून आला. त्यामुळे त्याची ओळख पटवणे कठीण झाले होते. पितांबरच्या जबाब आणि जवळच सापडलेल्या साडीवरून सुरुवातीला तो पूनमचा असल्याचा संशय आहे.

पूनमला दोन मुलं आहेत. ती शेजारच्या एका व्यक्तीशी बोलत असल्याचा दावाही करण्यात आला आहे. बेपत्ता होण्याच्या दोन महिने आधी तिच्या पतीने फोनवर बोलण्यासाठी तिचा मोबाईल हिसकावून घेतला होता, ज्यामुळे ती मानसिक तणावात होती.

पोलिसांनी हा सांगाडा शवविच्छेदन तपासणीसाठी पाठवण्यात आला आहे. डीएनए चाचणी आणि शवविच्छेदन अहवालानंतरच मृत्यूची ओळख आणि कारण स्पष्ट होईल असे पोलिसांचे म्हणणे आहे.