तरूणा कडून अमानुष मारहाण , आई – वडील आणि भावाचा मृत्यू

भाच्याने लपून वाचवले प्राण, पाळीव मांजरालाही मारले

बैतूल ( मध्यप्रदेश )/ विशेष प्रतिनिधी

मध्यप्रदेश च्या बैतूल जिल्ह्यातून एक हृदयद्रावक घटना समोर आलीं आहे. येथे एका तरुणाने आपल्याच कुटुंबातील तीन सदस्यांवर लोखंडी रॉड ने हल्ला केल्याने आई, वडील आणि भावाचा मृत्यू झाला आहे. तर पाहुणा म्हणून आलेला भाचा लपल्याने त्यांचा जीव वाचला आहे. डोक्यात रक्त संचारलेल्या या तरुणाने घरातील पाळीव मांजरीला देखील लक्ष केले.  त्यानंतर आरोपी रात्रभर मृतदेहा जवळच बसून राहिला, ज्यामुळे संपूर्ण परिसरात भीती आणि खळबळ उडाली.

रात्री घडलेल्या ट्रिपल मर्डरची घटना

मध्य प्रदेशातील बैतूल जिल्ह्यातील सांवगा येथील कोतवाली पोलीस ठाण्याच्या हद्दीतील गुरुवार-शुक्रवारच्या मध्यरात्री ही घटना घडली. आरोपी युवकाने कुटुंबातील तीन सदस्यांना – आई कमलती धुर्वे, वडील राजू धुर्वे आणि लहान भाऊ दिलीप धुर्वे यांना लाठीने (किंवा लोखंडी रॉडने) मारहाण केली, ज्यामुळे त्यांचा घटनास्थळीच मृत्यू झाला. घटना समोर आल्यानंतर गावात शोक आणि भीतीचे वातावरण पसरले.

भाच्याने लपून जीव वाचवला

घरात असलेला ५ वर्षांचा मुलगा विजय (नात्यात भाचा) हाही हल्ल्याच्या जाळ्यात सापडला. आरोपीने त्याच्यावरही मारहाण केली, ज्याचे निशाण त्याच्या शरीरावर दिसत आहेत. वेळेवर तो लपून राहिल्याने त्याचा जीव वाचला. या दरम्यान आरोपीने घरातील पाळीव मांजरीलाही निर्दयीपणे मारले.

सकाळी खुलासा, ग्रामस्थाने दिली माहिती

सकाळी एक ग्रामस्थ काही कामासाठी घरात गेला आणि आत डोकावून पाहिले तर रक्ताने माखलेले मृतदेह पाहून तो थक्क झाला. त्याने तात्काळ पोलीसांना कळवले. पोलीस घटनास्थळी पोहोचले, दरवाजा उघडवला आणि आतले भयानक दृश्य पाहून सर्वांनाच धक्का बसला. तीन मृतदेह घरात पडले होते आणि आरोपीही तेथेच उपस्थित होता.

१२वीचा टॉपर आरोपी दीपक

आरोपीची ओळख दीपक धुर्वे अशी आहे. नातेवाईक आणि स्थानिक माहितीनुसार, तो शिकलेला आहे, १२वीमध्ये टॉपर होता आणि गेल्या तीन-चार वर्षांपासून सरकारी नोकरीची तयारी करत होता. निवड न झाल्याने आणि दबावामुळे तो डिप्रेशनमध्ये होता असे सांगितले जात आहे. पोलीसांच्या मते, युवक मानसिक आजाराने ग्रस्त असल्याचे सांगितले जात आहे आणि या पैलूचीही तपासणी सुरू आहे.