प्रेयसीचा कारनामा .. दुसऱ्या प्रियकराला हाताशी घेऊन पहिल्या प्रियकरला संपविले 

आंतरराष्ट्रीय पॅरा बॅटमिटनपटू होता प्रियकर 

उधारीच्या 20 लाख रु. वरून होता वाद 

झारखंड / नवप्रहार मिडिया 

            प्रियकरा सोबत प्रेमाचे नाटक करून त्याच्या कडून 20 लाख उधार घेतले.पैशाची मागणी केल्यावर दुसऱ्या प्रियकराच्या मदतीने पहिल्या प्रियकाराचा खून केल्याची घटना उघडकीस आली आहे. यामुळे परिसरात खळबळ माजली आहे. मृतक हा आंतरराष्ट्रीय पॅरा बॅटमिंटन पटू असल्याचे पोलीस तपासात समोर आले आहे. काजल सुमन आणि तिचा प्रियकर रौनक कुमार असे आरोपींची नावे आहे. त्यांना पोलिसांनी रविवारी अटक केली आहे.

 आधी काजल सुमन हिने  प्रशांत सोबत प्रेमाचे नाटक केले. त्याच्याशी जवळीक वाढवत प्रशांतचा वापर करून त्याच्याकडून पैसे उकळत प्रियकरासह हॉटेलही थाटले. याची माहिती प्रशांतला कळल्यावर त्याने पैशांची मागणी केल्याने त्याची हत्या करण्यात आली.

 सिंघभूमचे एसएसपी किशोर कौशल यांनी या बाबत माहिती देतांना सांगितले की, काजलने रौनकसोबत मिळून प्रशांतची हत्या केली आणि नंतर मृतदेह एका पोत्यात बांधून हजारीबागमधील छडवा धरणाच्या खाली फेकून दिला. पोलिसांनी आरोपी रौनककडून प्रशांतचे मनगटाचे घड्याळ आणि घटनेत वापरलेली स्कूटर जप्त केली आहे. २०१९ मध्ये प्रशांतची फेसबुकच्या माध्यमातून काजलशी मैत्री झाली.

काजलने प्रशांतचा फोटो पाहून सेलिब्रिटींसोबतचा फोटो वापरण्यास सुरुवात केली. दरम्यान दोघांचे सूत जुळले. काजल ही प्रशांतकडे पैशांची मागणी करत होती. प्रशांत देखील लोकांकडून पैसे उधार घेऊन काजलला देत होता. काजलने ते पैसे प्रियकर रौनकवर खर्च केले आणि दोघांनी मिळून हॉटेल उघडण्याची तयारी सुरू केली. प्रशांतने पैसे घेतले होते, त्यातील काहींना त्याने काजलचा नंबरही दिला होता. उधार घेतलेल्या पैशासाठी लोक काजलसह प्रशांतला फोन करू लागले. याचा दबाव प्रशांतवर वाढू लागल्याने प्रशांतने काजलमागे पैसे परत करण्यासाठी तगादा लावला. यामुळे दोघांनीही प्रशांतचा काटा काढण्याचे ठरवले.

११ मार्चला काजल जमशेदपूरला आली आणि सोनारीहून हजारीबागला प्रशांतला घेऊन गेली. इकडे दोघेही रौनकच्या घरी गेले. या ठिकाणी पैशांवरून दोघांचा प्रशांतसोबत वाद झाला, त्यानंतर दोघांनीही प्रशांतचा गळा आवळून खून केला. या नंतर त्याचा मृतदेह पोत्यात बांधून छाडवा धरणात फेकून दिला. एसएसपी म्हणाले की, प्रशांत बेपत्ता झाल्यानंतर पोलिसांनी काजलशी चर्चा केली. त्याचा शोध घेण्यासाठी टेक्निकल सेलची मदत घेण्यात आली आणि हजारीबाग शहरातील लोहसिंगणा पोलीस स्टेशन हद्दीतील न्यू एरिया निर्मल स्कूल गली येथे राहणाऱ्या काजल सिन्हा हिला अटक करण्यात आली. काजलची पोलिसांनी कसून चौकशी केली असता तिने खुनाची कबुली दिली.