या कारणाने तरुणी भर रस्त्यात झाली निर्वस्त्र

पोलिसां कडून कारवाईस टाळाटाळ होत असल्याने तरुणी झाली होती संतप्त 

पोलिसांकडून तिला पागल ठरविण्याचा अयशस्वी प्रयत्न? 

आग्रा / नवप्रहार डेस्क 

                     पोलीस प्रशासन कधी कधी संवेदनहिनतेचा परिचय देत असल्याचे अनेक प्रकरने समोर येत असतात. एखाद्या प्रकरणावर जनतेचा जास्तच उद्रेक झाला तर मग पोलीस कारवाई करतात. कारवाई नंतर सुद्धा त्यात त्यांचा काही दोष नव्हता हे दाखविण्याचा प्रयत्न करतात. आग्रा पोलिसांनी तर संवेदनाहीनतेचा कळसच गाठल्याचा प्रकार समोर आला आहे.

                       देशात महिला, तरुणी आणी लहान बालकांवर अत्याचाराच्या घटनेत प्रचंड प्रमाणात वाढदिवसाच्या झाल्याचे पहाताला मिळत आहे. महिला वर्गावर होणाऱ्या अत्याचाराला पोलीस प्रशासन रोकु शकत नसले तरी निदान  आरोपीला पकडून त्याच्याविरोधात चार्जशिट दाखल करण्याचे एकमेव  अधिकार या विभागाकडे असतांना देखिल ते याकडे जाणीवपूर्वक दुर्लक्ष करत असल्याचा संतापजंक प्रकार आग्रा येथील अभियांत्रिकी शिक्षण घेत

कोलकाता, आसाम, बदलापूर अशा बलात्काराच्या घटनांमुळे भारतभरातून संतप्त भावना व्यक्त होत आहेत. शाळेतल्या चिमुकल्या मुलींवरही लैंगिक अत्याचार झाल्यामुळे नागरिकांमध्ये संतापाची लाट पाहायला मिळत आहे.

बलात्काऱ्यांना कठोरात कठोर शिक्षा व्हावी, अशी मागणी सातत्याने केली जात आहे. बदलापूरमध्ये तर आरपीला जमावासमोर आणून फाशी देण्याची मागणी करत लोकांनी तब्बल १० तास रेलरोको केला. पण एकीकडे एवढी आक्रमक मागणी होत असताना दुसरीकडे पोलिसांकडून बलात्काऱ्यांना पाठिशी घालण्याचेही धक्कादायक प्रकार समोर येत आहेत. असाच एक प्रकार उत्तर प्रदेशच्या आग्रा परिसरातून समोर आला आहे.

उत्तर प्रदेशच्या आग्रा विद्यापीठाशी संलग्न इंजिनिअरिंग महाविद्यालयातील २० वर्षीय विद्यार्थिनीवर बलात्कार झाल्याची घटना काही दिवसांपूर्वी समोर आली. यानंतर पीडितेनं पोलिसांत तक्रारही दाखल केली. पण पोलिसांकडून आरोपीला अटक करण्यात सातत्याने चालढकल केली जात होती. अखेर पीडित तरुणीनं प्रचंड मनस्ताप झालेल्या अवस्थेत भररस्त्यात कपडे काढून आपला संताप व्यक्त केला. तेव्हा कुठे पोलीस प्रशासनाला जाग आली आणि त्यांनी पावलं उचलायला सुरुवात केली.

नेमकं घडलं काय?

२२ वर्षीय आरोपी हा जम्मू-काश्मीर आयआयटीचा विद्यार्थी असून तिथे एमटेकचं शिक्षण घेतो. इंडियन एक्स्प्रेसनं दिलेल्या वृत्तानुसार, पीडित युवतीनं स्थानिक पोलीस स्थानकात २९ जुलै रोजी आरोपीविरोधात शारिरीक व मानसिक छळ करत असल्याची तक्रार दाखल केली होती. पण पोलिसांनी “तपासाअंती तक्रारकर्त्या युवतीच्या दाव्याला सबळ आधार देऊ शकेल, असे पुरावे मिळाले नाहीत”, असं म्हणून कोणतीही कारवाई करण्यास नकार दिला.

मात्र, पोलिसांच्या याच निष्काळजीपणानंतर १० ऑगस्ट रोजी पीडित युवतीवर चालत्या कारमध्ये बलात्कार केल्याची तक्रार दाखल झाली. पोलिसांनी गुन्हाही दाखल केला. पण त्यानंतर आरोपीला अटक करण्यात पोलिसांनी कोणताही रस दाखवला नाही. घटना घडली, तेव्हा आरोपी जम्मू-काश्मीरमध्ये होता, असं सांगून पोलिसांनी वेळ मारून नेण्याचा प्रयत्न केला. त्यानंतर काही दिवस पीडित युवती सातत्याने पोलीस स्थानकात अटकेची मागणी करण्यासाठी जात राहिली. पण पोलिसांनी तिच्या मागणीकडे दुर्लक्षच केलं.

पीडितेच्या मनस्तापाचा भीषण उद्रेक

पोलिसांकडून सातत्याने निराशाच पदरी पडत असल्यामुळे मानसिक ताण व विमनस्क अवस्थेत पीडित युवतीनं रविवारी भररस्त्यात कपडे काढून आपला संताप व्यक्त केला. तेवढ्यात काही महिला तिच्या दिशेनं धावत आल्या आणि त्यांनी कपड्यांनी तिला झाकलं. आसपासच्या लोकांनी पोलिसांना बोलवल्यानंतर पीडितेची थेट मनोरुग्णालयात रवानगी करण्यात आली.

पीडित युवती तीन दिवस मनोरुग्णालयातच राहिली. शेवटी तिच्या वागणुकीत काहीही चुकीचं आढळलं नसल्याचा निर्वाळा देऊन रुग्णालयानं युवतीला तिच्या घरच्यांकडे सोपवलं. इकडे युवतीच्या संतापामुळे पोलीस यंत्रणा हलली आणि त्यांनी आरोपी तरुणाला चौकशीसाठी पोलीस स्थानकात बोलावलं.

“आम्ही आरोपीला चौकशीसाठी आग्र्याला बोलावलं. त्यानंतर त्याला अटक केली. नंतर आमच्या लक्षात आलं की आरोपी गेल्या काही महिन्यांपासून पीडित युवतीचा मानसिक व शारिरीक छळ करत आहे”, अशी माहिती पोलिसांकडून देण्यात आली आहे.