इमारतीच्या 6 व्या माळ्यावर लागलेल्या आगीत होरपळुन एकाचा मृत्यू 

मुंबई / नवोदाहर मीडिया नेटवर्क 

मुंबईतील संताक्रूज पश्चिम येथील हरिप्रीत या इमारतीच्या 6 व्या मजल्यावर लागलेल्या भीषण आगीत एका 65 वर्षीय इसमाचा होरपळुन मृत्यू झाला आहे. नितेश जोशी असे त्याचे नाव आहे.

मिळालेल्या माहितीनुसार, मुंबईतील संताक्रुज पश्चिम, टागोर रोड येथील हरीप्रीत इमारतीत आग लागल्याची घटना घडली आहे. इमारतीच्या सहाव्या मजल्यावर आग लागली आहे. ही आग सोमवारी पावणे चारच्या सुमारास लागली होती.

या आगीत नितेश जोशी नावाच्या 65 वर्षीय व्यक्तीचा मृत्यू झाला आहे. आग लागल्यानंतर आगीत दोघे अडकले होते. अग्निशमन दलाच्या जवानांनी दोघांना रेस्कु केलं. अग्निशमन दलाच्या जवानांना आगीवर ताबा मिळवण्यात यश आलं आहे. मुंबईतील सांताक्रुज येथील हरीप्रीत इमारतीला आग लागली. आज पावणे चारच्या सुमारास आग लागली होती. आग लागल्याची माहिती मिळताच अग्निशमन दलाचे जवान घटनास्थळी पोहोचले. त्यांनी तातडीने दोघांना रेस्कु केलं. तर अग्निशमन दलाच्या जवानांनी आगीत अडकलेल्या दोघांना कूपर हॉस्पिटलमध्ये नेण्यात आले.

अग्निशमन दलाच्या जवानांनी 65 वर्षीय नितेश जोशी यांना रुग्णालयात दाखल करण्यापूर्वी मृत घोषित करण्यात आले. तर दुसऱ्या व्यक्तीला हॉस्पिटलमधून प्रथमोचारानंतर घरी सोडण्यात आलं आहे. आगीचं नेमकं कारण समोर आलेले नाही. आग नेमकी कशी लागली, याचा सध्या तपास करण्यात येत आहे
.