धामणगाव रेल्वे
श्री राम जन्मभूमी तीर्थक्षेत्र अयोध्या येथून आलेल्या अक्षतांची धामणगाव नगरीत भव्य शोभायात्रा काढण्यात आली शेकडो महिला पुरुषांच्या व लहान बालकांच्या उपस्थितीने तसेच संपूर्ण शहर रांगोळ्या भगव्या पताका तसेच पुष्पवृष्टीने जणू धामणगाव नगर श्री राममय झाले होते
अयोध्या येथे २२ जानेवारी २०२४ ला प्रभू श्रीराम भव्य मंदिरात विराजमान होणार आहेत श्रीरामाचे मंदिरात विराजमान होणारे निमंत्रण देण्यासाठी घरोघरी अयोध्येतून आलेल्या अक्षता वितरण होणार असून या अनुषंगाने अक्षतांच्या भव्य कलश यात्रेचे आयोजन करण्यात आले आहे
दत्तापुरातील श्री हिंगलाज माता मंदिर येथून प्रारंभ झालेली कलश यात्रा शहराच्या मुख्य मार्गाने कॉटन मार्केट,अमर शहीद भगतसिंग चौक, रेल्वे फाटक गांधी चौक, सिनेमा चौक, शास्त्री चौक, श्री छत्रपती शिवाजी चौक येथून श्री साईबाबा मंदिर येथे समारोप झाला याप्रसंगी शहरात अक्षत कलशाची भव्य स्वागत घरासमोर रांगोळी व आतिषबाजी करण्यात आली ज्या मार्गाने कलश यात्रा निघाली त्या सर्वच मार्गांमध्ये ठिकठिकाणी अक्षत कलशांचे पूजन करण्यात आले शोभायात्रातील श्रीराम लक्ष्मण सीता हनुमानाची झाकी आकर्षणाचे केंद्र ठरली
शहरातील नागरिकांनी शोभायात्रे दरम्यान दूध व अल्पोहार तसेच अनेक खाद्य वस्तूंचे वितरण मोठ्या प्रमाणात केले श्री साई मंदिर येथे आरती आणि महाप्रसादानंतर शोभायात्रेची सांगता करण्यात आली याप्रसंगी महिलांची उपस्थिती उल्लेखनीय होती
