सुधीर मोरे यांच्या आत्महत्येसाठी माजी आमदारांची मुलगी कारणीभूत ? 

मुंबई / नवप्रहार मीडिया

                       ठाकरे गटाचे माजी नगरसेवक सुधीर मोरे यांच्या आत्महत्येमागे एका आमदाराची मुलगी कारणीभूत असल्याची चर्चा असून संबंधित महिलेवर गुन्हा दाखल करम्यात आला आहे.

या महिलेकडून सुधीर मोरे यांना मानसिक त्रास दिला जात होता अशी तक्रार मोरे यांच्या मुलाने दिली होती. आता या प्रकरणी नवी माहिती समोर आली आहे. याप्रकरणी माजी आमदारांच्या मुलीवर गुन्हा दाखल करण्यात आला आहे.

आत्महत्येप्रकरणी शिवसेनेचे माजी आमदार शांताराम चव्हाण यांची मुलगी निलिमा चव्हाण यांच्यावर गुन्हा दाखल करण्यात आला आहे. निलिमा चव्हाण आणि सुधीर मोरे यांच्यात शेवटचा संवाद झाल्याची माहिती समोर आली आहे. माजी नगरसेवक सुधीर मोरे यांनी रेल्वेखाली उडी घेऊन घाटकोपर आणि विद्याविहार रेल्वेस्थानकाजवळ आत्महत्या केली होती. दरम्यान निलिमा चव्हाण आणि मोरे यांच्यात शेवटचा संवाद झाला होता. त्यानुसार निलिमा चव्हाण यांच्यावर गुन्हा दाखल करण्यात आला आहे. या प्रकरणाचा पुढील तपास पोलीस करत आहेत.

गेल्या काही महिन्यांपासून सुधीर मोरे यांना कोणीतरी ब्लॅकमेल करत असल्याची माहिती समोर आली होती. त्यातूनच त्यांनी आत्महत्या केल्याचं त्यांच्या जवळच्या लोकांकडून सांगण्यात आले होते. सुधीर मोरे हे ठाकरे गटाचे रत्नागिरीचे संपर्कप्रमुख होते. सुधीर मोरे हे शिवसेनेचे नगरसेवक आणि विभागप्रमुखही होते. शिवसेनेत फूट पडल्यानंतर त्यांनी उद्धव ठाकरेंना पाठींबा दिला होता.