ते थरारक 45 मिनिटे; इस्त्रायल वरून परतलेल्या तरुणीने सांगितला अनुभव

सिकर  / नवप्रहार मीडिया 

               7 ऑक्टोबर रोजी हमास ( पॅलेस्टाईन समथित दहशतवादी संघटना) ने  इस्त्रायल वर हमला केल्यानंतर प्रत्योत्तरदाखल इस्त्रायल ने केलेल्या हंल्यानंतर या दोन देशात युद्ध भडकले असून दोन्ही देशांकडून क्षेपणास्त्रे सोडण्यात येत आहेत.त्यामुळे नागरिकांना सुरक्षित स्थळी पलायन करावे लागत आहे. या युद्धामुळे इस्त्रायल येथे असलेले भारतीय नागरिक भयभीत झाले आहेत. भरात सरकार त्यांना सुरक्षित देशात आणण्यासाठी प्रयत्न करीत आहे. या काळात इस्त्रायल येथे पीएचडी करण्यासाठी गेलेल्या एका तरुणीने तेथील परिस्थितीचा थरारक अनुभव सांगितला आहे.

या क्षेपणास्त्र हल्ल्यात शेकडो लोकांचा बळी गेला होता. हा दिवस आपला शेवटचा दिवस ठरू शकतो अशी भीती मला आणि माझ्या सोबत असलेल्यांना वाटत होती. त्यावेळी मी माझ्या आई बाबांना खूप मिस करत होतो आणि मी खूप घाबरले होते…” भारताची नागरिक असलेल्या आंचल चौधरी हिने ही इस्राईल आणि हमासमध्ये सुरु असलेले युद्ध अनुभवले. आंचल चौधरीने ही भयानक कहाणी सांगितली.

इस्रायल आणि हमास यांच्यात भयंकर युद्ध सुरू आहे. युद्धाच्या काळात भारतीय नागरिकांना सुरक्षितपणे भारतात आणले जात आहे. इस्रायलमधील 211 भारतीय शुक्रवारी सकाळी विशेष विमानाने नवी दिल्लीत पोहोचले. यामध्ये लक्ष्मणगड, सीकरच्या शिव कॉलनीतील आंचल चौधरीचाही समावेश आहे. शुक्रवारी दुपारी आंचल तिच्या घरी पोहोचली. आंचल इस्रायलच्या एरियल युनिव्हर्सिटीमध्ये चाइल्ड न्यूरोसायन्समध्ये पीएचडी करत आहे. आंचल याच वर्षी 19 जून रोजी इस्रायलला गेली होती.

आचलने सांगितले की, भारतीय दूतावासाचे अधिकारी आणि भारत सरकार भारतीय नागरिकांना परत आणण्याचे काम करत आहे. दूतावासातील अधिकारी भारतीय नागरिकांशी व्हॉट्सअॅपच्या माध्यमातून जोडलेले असतात. भारतीय दूतावास धोक्याच्या क्षेत्रात राहणाऱ्या विद्यार्थ्यांना व्हॉट्सअॅप लिंक पाठवत आहे आणि त्यांना तेथून बाहेर काढले जात आहे.

याशिवाय हवाई हल्ल्यांपासून संरक्षण करण्यासाठी अलार्म सिस्टीम आणि निवारा कक्षही बसवण्यात आले आहेत. अलार्म वाजताच सर्वसामान्य नागरिक निवारा कक्षात पोहोचतात. आंचल एका खास विमानाने भारतात तिच्या घरी आली आहे पण आंचलला खेद आहे की तिने तिची पाळीव मांजर रेनबोला सोबत आणले नाही. तिने त्याला तिच्या डॉक्टर मित्राकडे सोडले आहे.