माजी सरपंच महिलेची हत्या अनैतिक संबंधातुन

शाहूवाडी / भिवंडी ( विशेष प्रतिनिधि) 

                   शाहुवाडी तालुक्यातील शिरजगाव येथील महिला सरपंचा च्या हत्येचा छडा लागला आहे. या हत्ये मागे अनैतिक सबंध आणि लग्नाचा तगादा मूळ कारण असल्याचे पोलिस तपासातून उघड झाले आहे.

अनैतिक संबंध आणि लग्नाच्या सातत्याने लावलेल्या तगाद्यातून शाहूवाडी तालुक्यातील शिरगावच्या महिला सरपंचाची गळा दाबून हत्या करण्यात आल्याची धक्कादायक घटना उघडकीस आली आहे.

सुरेखा शिवाजी न्यारे (वय ४०, रा. शिरगाव, ता. शाहूवाडी) असे मृत महिला सरपंचाचे नाव आहे. या प्रकरणी नारपोली पोलिसांनी धडक कारवाई करत आरोपी प्रकाश उर्फ बाबू आनंदा पाटील याला अटक केली आहे.

मिळालेल्या माहितीनुसार, मृत सुरेखा न्यारे आणि आरोपी प्रकाश पाटील यांच्यात अनैतिक संबंध होते. सुरेखा यांनी प्रकाशकडे लग्नासाठी तगादा लावून त्याला इशारा दिला होता. याच रागातून प्रकाशने २६ जुलै रोजी सकाळी गावातील शेतात सुरेखा यांचा गळा दाबून खून केला.