धामणगाव रेल्वे / प्रतिनिधी
पोलीस स्टेशन मंगरूळ दस्तगीर हद्दीत आष्टा नजीक चॅनल नं 90 जवळ समृद्धी महामार्गावर पहाटे पाच वाजून 30 मिनिटाच्या दरम्यान लक्झरी व ट्रकचा भीषण अपघात झाल्याची धक्कादायक घटना घडली आहे. या अपघातामध्ये ट्रॅव्हल्स चालक हा जागीच ठार झाला असून 15 ते 16 प्रवासी जखमी झाल्याची माहिती प्राप्त झाली आहे .पुणे वरून नागपूर जाणारी ही ट्रॅव्हल्स होती .असून यामध्ये अंदाजे 30 च्या जवळपास प्रवासी प्रवास करीत होते. घटनेची माहिती मिळताच दत्तापूर पोलीस स्टेशनचे पोलीस कर्मचारी तसेच मंगरूळ दस्तगीर पोलीस स्टेशनचे कर्मचारी व हायवे ट्रॉफी चे ठाणेदार व कर्मचारी आणि एम एस आर डी ची रेस्क्यू टीम त्या ठिकाणी क्षणाचाही विलंब न करता पोहोचले व त्यांनी जखमींना तात्काळ ग्रामीण रुग्णालय धामणगाव रेल्वे येथे प्रथम उपचारासाठी पाठवले व काहींना पुलगाव पाठविण्यात आल्याची माहिती प्राप्त झाली आहे. प्रथम उपचारानंतर जखमींना यवतमाळ येथे रेफर करण्यात आल्यावर काही प्रवाशांवर ग्रामीण रुग्णालय धामणगाव येथे उपचार सुरू आहे .या भीषण अपघातामध्ये सर्व पोलीस दलाचे मोलाची कामगिरी आहे
