महिलेच्या पोस्टमार्टम रिपोर्ट पाहून डॉक्टरही चक्रावले 

पती आणि दिरा कडून झालेल्या जबर मारहाणीत महिलेचा मृत्यू 

फिरोजाबाद ( युपी ) / नवप्रहार डेस्क 

               दारूच्या नशेत असलेल्या पतीने आणि दिरांनी मिळून केलेल्या जबर मारहाणीत विवाहितेचा मृत्यू झाला आहे. पण तिच्या मृतदेहाचा शवविच्छेदन अहवाल पाहून डॉक्टरही चक्रावले आहेत. कारण मृत महिलेच्या आतड्यात 8 इंचाचे लाटणे सापडले आहे. आणि ते तिच्या पोटात गेले कसे हा चौकशीचा विषय आहे.  कदाचित लाटणे महिलेच्या प्रायव्हेट पार्ट मधून टाकण्यात तर आले नाही ? असा प्रश्न उपस्थित होत आहे.  यावरून महिलेला किती अमानुष पाने मारहाण झाली असावी हे आपसूकच समोर आले आहे.

28 वर्षीय महिलेला तिच्याच पतीने बेदम मारहाण केली. पोलिसांनी तिच्या मृतदेहाचे पोस्टमॉर्टम केले तेव्हा जे समोर आले ते पाहून सर्वांनाच धक्का बसला.

मीडिया रिपोर्ट्सनुसार, महिलेच्या शरीरावर जखमांच्या खुणा होत्या. सोमवारी रात्री पती सुरजीतसोबत भांडण झाल्यानंतर नशेत पतीने पर्वा न करता पत्नीचे हात-पाय बांधले आणि तिला मारहाण करण्यास सुरुवात केली. एवढेच नाही तर सुरजीतने तिच्या प्रायव्हेट पार्टमध्ये लाटणं घातलं. सुरजीतची क्रूरता इथेच संपली नाही. त्याने पत्नीला दाताने चावा घेतला आणि बेल्टने मारहाण करून तिचा जीव घेतला. या हत्येने संपूर्ण परिसरात खळबळ उडाली आहे.

10 वर्षांपूर्वी लग्न झाले

महिलेचे 10 वर्षांपूर्वी सुरजीतसोबत लग्न केले होते. लग्न झाल्यापासून दोघांमध्ये भांडण होत असल्याचे सांगितले जात होते. सुरजीतला दारू पिण्याची सवय होती. सोमवारी रात्रीही सुरजीत दारूच्या नशेत घरी पोहोचला. यावेळी त्यांचा पत्नीसोबत काही कारणावरून वाद झाला. सुरजितला इतका राग आला की त्याने क्रूरतेच्या सर्व मर्यादा ओलांडल्या.

शवविच्छेदनात उघड झाले

या घटनेची माहिती मिळताच पोलीस तात्काळ घटनास्थळी दाखल झाले. मृतदेह खाटेवर पडलेला असल्याचे पोलिसांनी पाहिले. त्यांच्या संपूर्ण शरीरावर गंभीर जखमा होत्या. हत्या केल्यानंतर सुरजीत घटनास्थळावरून फरार झाला होता. पोलिसांनी मृतदेह पोस्टमार्टमसाठी पाठवला. शवविच्छेदनादरम्यान पोटातून लाटणं बाहेर आलं. हे पाहून डॉक्टरांनाही आश्चर्य वाटले. शवविच्छेदन अहवालात सुरजीतने हत्येपूर्वी पत्नीच्या प्रायव्हेट पार्टमध्ये लाटणं घातल्याचे समोर आले आहे.

भावाने फिर्याद दिली

महिलेचा भाऊ अवधेश याने पोलिसांत तक्रार दाखल केली आहे. अवधेशने या हत्येप्रकरणी सुरजीत तसेच त्याचे भाऊ संदीप आणि प्रशांत यांची नावे दिली आहेत. पोलिसांनी सुरजीतला अटक केली आहे. अन्य आरोपींचा शोध सुरू आहे.