धबधब्यात अचानक पाणी वाढले आणि एकाला सोडून सगळेच वाहत गेले 

           उन्हाळ्याच्या दिवसात वाळलेले धबधबे पावसाळ्याच्या दिवसात अनेक आपल्या पूर्ववत स्थितीत येऊन वाहायला लागतात. हे नैसर्गिक सौंदर्य पाहण्यासाठी अनेक लोक अश्या ठिकाणी येतात. पाण्यात मजा करतांना त्यांना कशाचेच भान राहत नाही. आणि मग दुर्घटना घडतात. भुशी च्या धबधब्यात एकाच कुटुंबातील 5 लोक वाहून गेल्याची घटना ताजी असतांना अश्या अनेक घटना घडल्या आहेत.  अनेक ठिकाणी पर्यटकांनी काय काळजी घ्यावी याच्या सूचना केल्या जातात. पण तरी देखील लोकं त्याकडे दुर्लक्ष करतात. आणि स्वतःचे नुकसान करून बसतात.

पावसाळ्यात  पर्यटक धबधब्याखाली भिजण्याचा आनंद घेण्यासाठी तेथे जातात. काही पर्यटक तिकडे भलतेच साहस करतानाही दिसतात. पण, असे साहस काही वेळा पर्यटकांच्या चांगलेच जीवावर बेतते. अशा घटना पाहता, वारंवार सांगितले जाते की, पाण्याशी कधी खेळू नका. तरीही काही पर्यटक जीवाची पर्वा न करता, धबधब्याखाली भिजण्याचा मनमुराद आनंद लुटताना दिसतात. अशाच पर्यटनस्थळी फिरायला गेलेल्या पर्यटकांचा धक्कादायक व्हिडीओ सध्या समोर आला आहे. लोणावळा भूशी डॅम, ताम्हिणी घाटातील दुर्घटनेनंतर हा व्हिडीओ सध्या व्हायरल होत आहे.

अवघ्या ५ सेंकदात मृत्यूनं गाठलं

अनेक कुटुंब, आपल्या लहान मुलांसह धबधब्याचा आनंद घेण्यासाठी आले होते. व्हिडीओच्या सुरुवातील अनेक नागरिक येथे मजामस्ती करताना दिसत आहे. हे एक संपूर्ण कुटुंबच असल्याचं व्हिडीओमध्ये दिसत आहे. मात्र काही वेळानंतर मात्र येथील चित्रच पालटलं. अवघ्या ५ सेंकदात अचनक पाण्याचा वेग आणि पातळी वाढल्यानंतर पर्यटकांमध्ये घबराट निर्माण झाली. धबधब्याचा वाढलेला वेग पाहून नागरिकांनी बाजूला होण्यास सांगण्यात आलं. मात्र यामध्ये फक्त एकच व्यक्ती चालाकीने पटकन बाहेर आला तर बाकी सगळे बाहेर येण्याच्या आधीच पाण्यानं रौद्र रुप धारण केलं. या व्यक्तीनं क्षणात घेतलेल्या निर्णयामुळे आणि परिस्थितीचा अंदाज घेतल्यामुळे तो बचावल्याचं दिसत आहे.

अवघ्या काही सेकंदांत वाहून गेले

अवघ्या काही सेकंदांच्या या व्हिडीओत काही पर्यटक पाण्यात आनंद घेताना दिसत आहेत. यावेळी अचानक पाण्याचा मोठा झोत येतो आणि काही पर्यटकांना प्रवाहाबरोबर घेऊन जातो. पाण्याचा वेग इतका वाढला की अक्षरश: ६ ते ७ जण यामध्ये वाहून गेले. व्हिडीओ पाहून पाण्याशी खेळणे कसे जीवावर बेतू शकते याची कल्पना येईल. पर्यटकांचा हा मृत्यूपूर्वीचा व्हिडिओ व्हायरल झाला आहे. हे सर्व काही इतक्या अचानक घडलेय की, लोकांना काही समजलेच नाही. या थरकाप उडवणाऱ्या घटनेत लोक आपला जीव वाचवण्यासाठी कसे आरडाओरडा करतायत हे दिसतेय.

या भीषण घटनेचा व्हिडीओ id_ya_mathiten_ नावाच्या इन्स्टाग्राम अकाउंटवरून पोस्ट करण्यात आला आहे. त्यावर लोक वेगवेगळ्या प्रतिक्रिया देत आहेत. एका युजरने लिहिलेय, “अनेकदा इशारा देऊनही लोक पाण्याखाली जातात आणि आंघोळ करतात. त्याचाच परिणाम म्हणजे हा अपघात आहे.” दुसऱ्या युजरने लिहिलेय, “निसर्गाशी खेळ करू नये.”