अस्वस्थ वाटू लागल्याने तो मैदानाबाहेर आला आणि जमीनीवर कोसळला 

इंदलने सामन्यात ५ षटके गोलंदाजी केली. त्यात पाचवं षटक टाकत असताना त्याची प्रकृती बिघडली आणि तो मैदानातून बाहेर आला. त्यावेळी अस्वस्थ वाटत असलेल्या इंदलला घाम आला. यामुळे तो झाडाखाली काही वेळ बसला. मैदानातून इंदल बाहेर आल्यानं त्याचं षटक दुसऱ्या खेळाडूने पूर्ण केलं. मैदानात खेळाडू विजयाचा जल्लोष करत होते. त्याचवेळी इंदलची प्रकृती बिघडली आणि तो बेशुद्ध पडला. अचानक असा प्रकार घडल्याने आनंदाचं वातावरण भितीत बदललं. तातडीने इंदलला रुग्णालयात नेण्यात आलं पण उपचाराआधीच त्याचा मृत्यू झाला. इंदलच्या मृत्यूचं कारण हृदयविकार असावं अशी शक्यता व्यक्त केली जात आहे.