यवतमाळ – जिओने आपली ट्रू 5G सेवा विद्या प्रसारक मंडळ संचलित अमोलकचंद महाविद्यालय यवतमाळ येथे सादर केली आणि शिक्षण क्षेत्रात बदल घडवून आणण्यासाठी एक महत्त्वपूर्ण पाऊल उचलले. या लॉन्चसह, जिओ च्या 5G अमर्यादित सेवांचा आनंद महाविद्यालयातील प्राध्यापक आणि सुमारे 5000 पेक्षा जास्त विद्यार्थी घेऊ शकतात.
महाविद्यालयीन प्राध्यापक आणि विद्यार्थ्यांना संबोधित करताना, जिओचे गिरीधर पुवल्ला, स्टेट केअर हेड महाराष्ट्र आणि गोआ यांनी 5G चे असंख्य फायदे आणि शक्यता विशद केल्या आणि इंटरनेट वापरात क्रांती घडवून आणण्यासाठी, नाविन्यपूर्ण वातावरण, सहयोग आणि ज्ञानाची देवाणघेवाण कशी करता येईल यांवर भर दिला.
संपूर्ण भारतातील कॅम्पस डिजिटल करण्याबाबत जिओची वचनबद्धता शिक्षणाला चालना देण्यासाठी आणि पुढील पिढीसाठी उज्वल भविष्य घडवण्याच्या आपल्या समर्पणाची याद्वारे पुष्टी करते. आपल्या 5G तंत्रज्ञानाचा शैक्षणिक क्षेत्रात कसा जास्तीत जास्त वापर करता येईल हे या उपक्रमाचे प्रमुख वैशिष्ट्य आहे .
या प्रक्षेपणाला विद्यार्थी, प्राध्यापक आणि संस्थेचा चांगला प्रतिसाद मिळाला. या कार्यक्रमाचा एक भाग म्हणून, युथ पास कार्यक्रम सुरू करण्यात आला जो विद्यार्थ्यांना रिलायन्सद्वारे ऑफर केलेले अनेक विशेष फायदे देतो. त्यांच्या इन्स्टा क्षणांसाठी यावेळी फोटो बूथ उभारले होते. अत्याधुनिक तंत्रज्ञानाच्या आगमनासह करिअरच्या शक्यता, उद्योग वापर आणि ग्राहक अनुभव यावर विस्तृतपणे प्रश्नोत्तरांच्या सत्रात चर्चा करण्यात आली. या कार्यक्रमाला अमोलकचंद महाविद्यालयाचे प्राचार्य डॉ राममनोहर मिश्रा विविध विभागांचे प्रमुख आणि जिओ महाराष्ट्रचे अधिकारी उपस्थित होते.
