फ्लॅट मध्ये महिलांकडून वेश्याव्यवसाय करवून घेणाऱ्यास अटक

रत्नागिरी / नवप्रहार  मीडिया नेटवर्क

                 शहरातील शिवाजी नगर परिसरातील एका सदनिकेच्या तळ मजल्यावरील फ्लॅट मध्ये  महिलां कडून वेश्याव्यवसाय करवून घेऊन स्वतःची उपजीविका चालविणाऱ्या इसमास पोलिसांनी अटक केली आहे.दोन महिलांची सुटका करून त्यांना आधारगृह येथे ठेवण्यात आले आहे. स्थानिक गुन्हे अन्वेषण शाखेच्या पथकाद्वारे  ही कारवाई करण्यात आली .

          स्थानिक गुन्हे अन्वेषण विभागाला माहिती मिळाली होती की शिवाजी नगर येथील एका सदनिकेतील तळ मजल्यावर फ्लॅट मध्ये राहत असलेला इसम नाव राजेंद्र रमाकांत चव्हाण, वय 45, रा. मिरजोळे जांभूळफाटा, रत्नागिरी हा बाहेरच्या राज्यातून महिला आणि तरुणी आणून त्यांच्या कडून वेश्याव्यवसाय करवून घेत आहे. त्यांनी या ठिकाणी रेड टाकून फ्लॅट मालक राजेबदर चव्हाण याला अटक केली.

 त्याचेवर अपराध क्र.  243/2023 भा.दं.वि.सं. कलम ३७० व अनैतिक व्यापार प्रतिबंध अधिनियम १९५६ चे कलम ३,४,५ अन्वये गुन्हा दाखल करण्यात आला होता.

पोलीस अधीक्षक रत्नागिरी, श्री. धनंजय कुलकर्णी तसेच अपर पोलीस अधीक्षक श्रीमती जयश्री गायकवाड व उपविभागीय पोलीस अधिकारी, रत्नागिरी विभाग श्री. विनीत चौधरी यांच्या मार्गदर्शनाखाली या गुन्ह्याचा अधिक तपास शहर पोलीस ठाण्याचे नव्याने रूजू झालेले पोलीस निरीक्षक श्री. शैलेश सणस यांनी कल्पकतेने करून या गुन्ह्या मध्ये आरोपी राजेंद्र रमाकांत चव्हाण व एका महिलेसह खालील नमूद अन्य 8 आरोपींना अटक केली आहे.

यात आरोपी अब्दुल मतीन हसनमियाँ डोंगरकर, वय ३६, रा. साईचिंतन अपार्टमेंट, बोर्डींग रोड, माळनाका, ता. जि. रत्नागिरी, ओमकार जगदीश बोरकर, वय २६, रा. चिंचखरी, दत्त मंदिर जवळ, ता. जि. रत्नागिरी, समीर मंगेश लिबुकर, वय २३, मूळ रा. साडवली तेलीवाडी, देवरुख, ता. संगमेश्वर, जि. रत्नागिरी, सध्या रा. शंखेश्वर नगर, भारत गॅस एजन्सी शेजारी, आरोग्य मंदिर, ता. जि. रत्नागिरी,  अरबाज अस्लम चाउस, रा. साखतर, रहमाण मोहल्ला, ता. जि. रत्नागिरी,  साई प्रसाद साळुंखे, रा. सिध्दीविनायक, कोकणनगर, ता. जि. रत्नागिरी, रोहन मंगेश कोळेकर, रा. जास्मीन बिल्डींग, सिध्दविनायक, शिवाजीनगर, ता.जि. रत्नागिरी,  प्रविण प्रकाश परब, रा. गवळीवाडी, ता. जि. रत्नागिरी, नवीद अश्रफ कन्वाडकर, रा. अलहसन टॉवर, उद्यम नगर, ता. जि. रत्नागिरी. यांना अटक करण्यात आली आहे.