दुर्गा देवीची मूर्ती स्थापने साठी घेऊन जातांना अपघात: ६ जखमी

मोर्शी / ओंकार काळे
नवरात्रीच्या निमित्याने हिवरखेड येथे दुर्गादेवीची स्थापना करण्यासाठी मोर्शी येथून मूर्ती घेऊन जात असताना मायवाडी ते दापोरी दरम्यान आयशर ट्रकने दिलेल्या धडकेत ६ भाविक जखमी झाल्याची घटना गुरुवार दि ३ ला रात्री ९ वा.चे दरम्यान घडली.
हिवरखेड येथील श्रीकृष्ण दुर्गोत्सव मंडळाचे कार्यकर्ते मोर्शी वरून दुर्गादेवीची मूर्ती घेऊन जात असतांना मागून येणाऱ्या MH27BX4555 क्रमांकच्या आयशर ट्रकने दिलेल्या जबर धडकेत ट्रॅक्टरवरील सहा युवक जखमी झाले असून प्रतीक गीद (२२),राजेश बिजवे (३३),जयेश कपिले (२६) हे गंभीर जखमी झाल्याने त्यांना उपचारार्थ अमरावतीला पाठवण्यात आले आहे तसेच दीपक अजमिरे, आकाश बारस्कर, प्रज्वल बारस्कर हे तिघे किरकोळ जखमी झाल्याने त्यांचेवर मोर्शीच्या रुग्णालयात उपचार सुरु आहेत. नवरात्र मुळे सर्वत्र उत्साहाचे वातावरण असून पहिल्याच दिवशी झालेल्या या अपघाताने जनतेमध्ये प्रचंड रोष निर्माण झाला असून अपघाताची घटना समजतात हिवरखेड येथून शेकडो युवक अपघात स्थळावर आले होते. परिस्थितीचे गांभीर्य पाहता मोर्शी पोलिसांनी तात्काळ अतिरिक्त कुमक बोलावून चोख बंदोबस्त ठेवला. ट्रकच्या चालकाला मोर्शी पोलिसांनी ताब्यात घेतले असून मोर्शीचे ठाणेदार नितीन देशमुख यांच्या मार्गदर्शनात मोर्शी पोलीस परिस्थितीवर नियंत्रण ठेऊन आहेत.