20 वर्षाच्या युवकाच्या प्रेमात पडलेली 7 मुलांची आई गेली पळून  

त्यातील एक मुलगा फक्त 6 महिन्याचा 

भरतपूर ( राजस्थान ) / नवप्रहार मीडिया नेटवर्क 

            म्हणतात न की प्रेमाला कुठलेही वय , जात , धर्म नसतो.प्रेम म्हणजे दोन जीवांचे एकमेकांप्रती असलेले आकर्षण होय. भरतपूर येथील एका 7 मुलांची आई असलेल्या महिलेचे 20 वर्षाच्या तरुणासोबत सूट जुळले. ती त्याच्या प्रेमात इतकी वेडी झाली की ती आपल्या मुलाबाळांना सोडून प्रियकरा सोबत पळून गेली. मुख्य म्हणजे तिच्या सगळ्यात लहान मुलाचे वय फक्त 6 महिने आहे. आश्चर्याची गोष्ट म्हणजे महिलेचा प्रियकर दुसरा कोणी नसून तिच्या पतीचाच मित्र आहे. याप्रकरणी आता महिलेच्या पतीने पोलीस ठाण्यात न्यायालयामार्फत गुन्हा दाखल केला आहे.

भरतपूरच्या उद्योग नगर पोलीस ठाण्याच्या हद्दीतील ही घटना समोर आला आहे. पतीने मुलांसह पोलीस ठाणे गाठून न्यायाची मागणी केली. महिलेचा पती पीताम त्याची सात मुले आणि पत्नी सुनीता यांच्यासह रारह गावात भाड्याने घर घेऊन राहतो. त्याचा एक मित्र महेश त्याच्याकडे काम करायचा. पीतम सांगतो की, त्याच दरम्यान त्याच्या पत्नीचे महेशसोबत अफेअर होते. त्यानंतर त्याची पत्नी मुलांना सोडून पळून गेली.

दोघेही जवळपास दोन महिन्यांपासून फरार आहेत. या दोघांचाही ठावठिकाणा अद्यापपर्यंत सापडलेला नाही. त्याच्या पत्नीला परत आणले पाहिजे. आपल्या मुलांना न्याय मिळवून देण्यासाठी तो दारोदारी भटकत आहे. पीतम हा मजूर म्हणून काम करतो. सध्या तो आपल्या मुलांची काळजी घेत आहे. पीतम यांना 6 मुली आणि एक मुलगा आहे. मुलगा आता फक्त सहा महिन्यांचा आहे. मात्र सुनीताने त्याचीही पर्वा न करता प्रियकरासह पळ काढला.

राजस्थानमध्ये अशा प्रकारच्या प्रेमप्रकरणाची ही पहिलीच घटना नाही. याआधीही अनेक घटना समोर आल्या आहेत. काही महिन्यांपूर्वी जावई त्याच्या सासूसोबत सिरोही येथे पळून गेला होता आणि बुंदीमध्ये सासरे आपल्या सुनेसह पळून गेले होते. यानंतर आता पीतमनेही मदत मागितली आहे. पोलीस या संपूर्ण प्रकरणाचा तपास करत आहेत. एका हिंदी वेबसाईटने याबाबतचे वृत्त दिले आहे.