महिलेच्या १५ वर्षाच्या मुलीचे मौलाना कडून  लैंगिक शोषण महिलेने मौलानांना चाबकाने केली मारहाण 

अमेठी / नवप्रहार डेस्क

                  महिले द्वारे मौलानाला चाबकाने मारहाण केल्या जात.असल्याचा व्हिडिओ सोशल मीडियावर व्हायरल होत आहे. यात महिला मौलानाला अत्यंत वाईट शब्दात शिवीगाळ करतानाचे सुद्धा व्हिडिओत ऐकू येत आहे.

 अमेठीमध्ये एका मौलानाला चाबकाने मारहाण केल्याची घटना समोर आली आहे. कंबरेला पांढरा स्कार्फ घातलेली एक महिला बेडवर चढली आणि मौलानाला चाबकाने मारहाण केली.

दुसऱ्या एका महिलेने संपूर्ण घटनेचे चित्रीकरण केले. व्हिडिओमध्ये, ती महिला असे म्हणत ऐकू येते की, “तू माझे आयुष्य उद्ध्वस्त केलेस. आता तू माझ्या मुलीचेही आयुष्य उद्ध्वस्त करत आहेस.” पोलिस सध्या या प्रकरणाचा तपास करत आहेत. ही घटना अमेठीच्या जामो पोलिस स्टेशन परिसरात घडल्याचे वृत्त आहे.

मौलाना हसीब उत्तर प्रदेशातील अमेठीच्या जामो पोलिस स्टेशन परिसरातील एका मदरशात शिकवतो. त्याच्यावर महिलेच्या १५ वर्षांच्या मुलीवर वाईट नजर ठेवल्याचा आणि तिला शक्ती वाढवणाऱ्या गोळ्या देऊन तिच्यावर बलात्कार केल्याचा आरोप आहे. संतापलेल्या महिलेने मौलानाला चाबकाने मारहाण केली.  ती घाणेरडी शिवीगाळही करते. व्हिडिओमध्ये महिलेचा आवाज ऐकू येतो, ती म्हणत आहे, “गेल्या पाच महिन्यांपासून तू माझे आयुष्य उध्वस्त केले आहेस. तू माझ्या मुलांवर वाईट नजर टाकत आहेस.” तू माझ्या १५ वर्षांच्या मुलीला शक्ती वाढवणारी गोळी दिली, तिच्या तोंडात कापड भरलेस आणि तिच्यावर बलात्कार केलास. माझ्याकडे याचे पुरावे आहेत.” मौलाना महिलेच्या दाव्यांवर खंडन करतात आणि दावा करतात की त्यांनी काहीही चुकीचे केले नाही.