DRDO च्या संचालकाला एटीएस कडून अटक – वाचा काय आहे प्रकरण
पुणे – नवप्रहार न्यूज नेटवर्क
एटीएसने पुण्यात संरक्षण संशोधन संस्थेच्या म्हणजेच डीआरडीओच्या संचालकाला अटक केली आहे. हनी ट्रॅपमध्ये अडकल्यानंतर या अधिकाऱ्याने भारताची काही संवेदनशील माहिती पाकिस्तानला दिल्याचा एटीएसला संशय आहे.
एटीएसने त्याच्याविरुद्ध मुंबईत गुन्हा दाखल केला असून आता पुणे पोलिस या प्रकरणाचा तपास करत आहेत. प्रदीप कुरूलकर असे या अधिकाऱ्याचे नाव आहे.
डीआरडीओचे संचालक प्रदीप कुरूलकर यांना एटीएसकडून अटक हनीट्रॅपमध्ये अडकून संवेदनशील माहिती पाक इंटेलिजन्स ॲाफिसरला दिल्याचा संशय एटीएसला आहे. निवृत्तीला सहा महिने राहिले असताना कुरुलकर पाकिस्तानच्या हनीट्रॅपमध्ये फसले. सहा महिने मोबाईलच्या माध्यमातून पाकच्या गुप्तचर यंत्रणेशी संबंधित असलेल्या महिलेसोबत संपर्कात होते. तर पुण्यातील संचालकांना अटक करण्यात आल्याने एकच खळबळ उडाली आहे.
देशाच्या सुरक्षिततेला धोका: 3 मेला डीआरडीओचे शास्त्रज्ञ यांनी पुणे येथील त्यांचे कार्यालयामध्ये शासकीय कर्तव्य बजावित असताना भारताचे शत्रू राष्ट्रातील पाकिस्तान इंटेलिजन्स ऑपरेटीव्ह ( PIO) चे हस्तक यांचेशी सोशल मीडियाच्या माध्यमातून व्हॉटअपद्वारे व्हाईस मॅसेज, व्हिडिओ कॉलने संपर्कात राहिला होते. डीआरडीओचे शास्त्रज्ञ यांनी धारण केलेल्या पदाचा गैरवापर करत कर्तव्यावर असताना त्यांच्या ताब्यात असलेले संवेदनशील शासकिय गुप्त माहिती जी शत्रु राष्ट्राला मिळाल्यास भारत देशाच्या सुरक्षिततेला धोका पोहचू शकतो अशी माहिती अनाधिकृतरित्या शत्रु राष्ट्रास पुरविली आहे. सोशल मीडियाच्या माध्यमातून, संपर्कात राहिले असल्याची माहिती आहे. त्यानंतर दहशतवादी विरोधी पथकाने त्यांच्यावर कारवाई केली आहे. पुण्यातील कोर्टात हजर करुन त्याना 9 मे पर्यंत पोलीस कोठडी देण्यात आली आहे.
पाकिस्तानला माहिती पुरवल्याप्रकरणी अटक: मुंबई पोलिसांना दिलेल्या माहितीनुसार दहशतवाद विरोधी पथक महाराष्ट्र राज्य पोलीस ठाणे, काळाचौकी येथे शासकीय गुपीते अधिनियम १९२३ कलम ०३ (१)(क). ०५ (१) (अ), ०५ (१) (क), ०५ (१) (ड) अन्वये गुन्हा दाखल करण्यात आला आहे. गुन्ह्याचा पुढील तपास प्रभारी पोलीस निरीक्षक, दहशतवाद विरोधी पथक, पुणे युनिट हे करीत असल्याची माहिती एटीएस अधिकारी महेश पाटील यांनी दिली आहे. याआधी देखील 2018 मध्ये एकास पाकिस्तानला माहिती पुरवल्याप्रकरणी अटक करण्यात आली होती. डीआरडीओमध्ये सायंटिस्ट म्हणून काम करणाऱ्या प्रदीप कुरुलकर यांनी भारतास धोका पोहोचेल अशी संवेदनशील माहिती पाकिस्तानला लीक केल्याप्रकरणी एटीएसने काळाचौकी येथे गुन्हा दाखल करून सायंटिस्ट प्रदीप कुरुलकर यांना पुण्यातून अटक केली आहे.
