या कारणाने भारतीय वंशाच्या महिलेला अमेरिकन पोलिसांनी केली अटक

मुलाचा मृतदेह कुजण्यास सुरुवात झाल्याचं पोलिसांच्या लक्षात आलं. मुलाची हत्या अनेक दिवसांपूर्वीच झाल्याचं त्यांनी ओळखलं. अधिकाऱ्यांना घरामध्ये अनेक खाद्यपदार्थ दिसले. मृत्यूमुखी पडण्यापूर्वी मुलाचं वजन बरंच कमी झाल्याचं पोलीस तपासातून समोर आलं. महिलेनं तिच्या मुलाला कित्येक दिवस खायला दिलं नव्हतं. त्याची उपासमार केली होती. महिला हे सगळं जाणूनबुजून करत होती. तिला मुलाचा जीव घ्यायचा होता, अशी माहिती पोलिसांनी दिली. पण मुलाच्या मृत्यूमागचं नेमकं कारण अद्याप स्पष्ट होऊ शकलेलं नाही.

पोलिसांनी प्रियांका तिवारीला अटक केली आहे. प्रियांकाचे भारतातील अनेक नातेवाईक गेल्या काही दिवसांपासून तिला फोन करत होते. पण तिनं कोणाच्याच कॉलला प्रतिसाद दिला नाही. महिलेचं नातेवाईक बरेच दिवस तिला भेटायला आले नव्हते. शेजाऱ्यांनी ही माहिती पोलिसांना दिली. प्रियांका मिळून मिसळून राहायची. ती असं करेल असं कधीच वाटलं नव्हतं, असं तिच्या शेजाऱ्यांनी सांगितलं.