वाचा पोलिसांना पाहताच शिक्षकाने का घेतली नदीत उडी 

                   शिक्षक आणि विद्यार्थी यांच्यात प्रेमसबंधाच्या घटना काही नवीन नाहीत पण अनेक वेळा शिक्षक भावनेच्या आहारी जाऊन असे निर्णय घेतात की काही वेळेनंतर त्यांना त्याचा पश्चाताप होतो. परंतु वेळ निघून गेल्याने त्यांच्या हातात काहीच नसतं. अशीच एक घटना छत्रपती संभाजी नगर येथे घडली आहे. पण या शिक्षकाने पोलीसांना पाहताच नदीत उडी घेतली . त्याच्या मागे त्या अल्पवयीन विद्यार्थिनीने देखील नदीत उडी घेतली. पोलिसांनी जीववर खेळून त्यांना वाचविले आहे.

 महेंद्र त्र्यंबक साठे (वय ४२, रा. ह. मु. करमाड संभाजीनगर) असं आरोपीचं नाव आहे.

               या प्रकरणी पोलिसांनी दिलेल्या माहितीनुसार, लाडसावंगी तालुका जिल्हा औरंगाबाद येथील खासगी संगणक प्रशिक्षण केंद्रात एक अल्पवयीन मुलगी क्लासला येत असे. या अल्पवयीन मुलीला १२ जून रोजी शिक्षक महेंद्र साठे याने फुस लावून पळवून नेल्याची घटना उघडकीस आली होती. दरम्यान, ही बाब मुलीच्या आईच्या लक्षात येताच मुलीच्या आईच्या फिर्यादीवरून करमाड पोलीस ठाण्यामध्ये गुन्हा दाखल करण्यात आला होता.

१२ जून पासून पोलीस आरोपीचा शोध घेत होते. सायबर पोलीस योगेश तलमरे यांच्या तांत्रिक तपासामुळे खात्रीलायक माहिती मिळाल्यानंतर ४ जुलैपासून पथक आरोपीच्या मागावर होते. तांत्रिक तपासाच्या आधारे पोलीस भोपाळ येथे पोहोचले. भोपाळ जिल्ह्यातील नेमार गावाच्या मंदिरासमोर पोहोचले असता या ठिकाणी नदीच्या पायऱ्यावर आरोपी शिक्षक आणि अल्पवयीन मुलगी करमाड पोलिसांच्या नजरेस पडली.

       याचवेळी आरोपी महिंद्र याची नजर पोलिसांकडे गेली. पोलीस येत असल्याचे लक्षात येतात महेंद्र याने विषारी औषध प्राशन करून नर्मदा नदीत उडी घेतली. अचानक प्रियकराने उडी घेतल्यामुळे अल्पवयीन मुलीने देखील पाण्यात उडी घेतली. अल्पवयीन मुलीला पोहता येत नसल्यामुळे मुलगी पाण्यात गटांगळ्या घेत होती. बीट अमलदार दादासाहेब पवार यांनी तात्काळ नदीत उडी घेतली. पाण्यात गटांगळ्या घेत असलेल्या मुलीला पवार यांनी पकडलं. मुलीने त्यांना मिठी मारल्याने दोघेही पाण्यात खोलवर गेले.

मुलीला पवार यांनी पकडलं. मुलीने त्यांना मिठी मारल्याने दोघेही पाण्यात खोलवर गेले. दरम्यान, अमलदार पवार यांनी प्रसंगावधान राखत मुलीला सुरक्षित ठिकाणी घेऊन आले. यामुळे मुलीचा जीव वाचला.

पथकातील पोलीस उपनिरीक्षक रामेश्वर ढाकणे यांनी सहकारी जयसिंग नागरगोजे यांना मदतीला घेत स्थानिक पोलिसांची मदत घेतली. तसेच पाण्यात पोहता येणाऱ्या स्थानिक मुलाला मदतीला घेऊन आरोपीला देखील बाहेर काढण्यात आले. दरम्यान, करमाड पोलिसांनी आरोपीला ताब्यात घेतलं असून पुढील कारवाई करत आहेत.

दादासाहेब पवार यांनी प्रसंगावधान दाखवत आणि त्यांची तत्परता बघून अनेकांनी त्यांचं कौतुक केलं. सदरची कारवाई पोलीस उपनिरीक्षक रामेश्वर ढाकणे, दादासाहेब पवार, जयसिंग नागलकोट आणि नरेंद्र खंदारे यांनी पार पाडली.