एकाच कुटूंबातील पाच सदस्यांचे सांगाडे सापडल्याने खळबळ

घरात ५ मानवी सांगाडे सापडल्याची माहिती

पोलिसांनी दिली. हे सांगाडे जगन्नाथ रेड्डी

(८५), त्यांची पत्नी प्रेमा (८०), मुलगी त्रिवेणी (६२), मुलगा कृष्णा (६०) आणि नरेंद्र (५७) यांचे असल्याचा संशय पोलिसांना आहे. पोलिसांना एका स्थानिक माध्यम कर्मचाऱ्याकडून घटनेची माहिती मिळाली. परिसरात राहणाऱ्या एका व्यक्तीनं माध्यम कर्मचाऱ्याला याबद्दलची माहिती दिली होती. पोलिसांनी मृत कुटुंबाच्या नातेवाईकांशी, परिचितांशी संवाद साधला. मृत कुटुंब अगदी एकांतात जगत होतं. त्यांना आरोग्याच्या गंभीर समस्या होत्या, अशी माहिती पोलिसांना

चौकशीतून मिळाली. २०१९ च्या जून- जुलैमध्ये हे कुटुंब अखेरचं दिसलं होतं. घर कायम बंद असायचं. दोन महिन्यांपूर्वी सकाळच्या सुमारास कोणीतरी घराचं मुख्य दार तुटलेलं पाहिलं. पण त्यांनी याची माहिती पोलिसांना दिली नाही.