अन ती पतीच्या लग्नाबद्दल बोलायला स्वतःच पोहचली तरुणीच्या घरी

लखनऊ  / नवप्रहार मीडिया 

सवत हा शब्दच कुठल्याही महिलेचा पारा वाढवण्यासाठी पुरेसा आहे. बायकोला नवऱ्याचे अन्य महिलेसोबत चे संबंध सहन होत नाही. आबांध तर सोडा अनेक महिलांना आपल्या नवऱ्याचे दुसऱ्या महिले ओबात बोलणे देखील पसंत नसते. पण युपी च्या सराहानपूर मधून एक भलताच प्रकार समोर येत आहे. येथे एक बायको आपल्या नवऱ्याचे लग्न करण्यासाठी तरुणीच्या घरी जाऊन धडकली. चला तर जाणून घेऊ या काय आहे प्रकरण ? .

सहारनपूर येथे ठाणे बाजार परिसरात राहणाऱ्या एका महिलेनं स्वतःच्या पतीचं पुन्हा लग्न लावून देण्याचा निर्णय घेतलाय. महिलेचे कुटुंबीय तिची समजूत काढण्याचा प्रयत्न करत आहेत. मात्र, पतीवर खूप प्रेम असल्याचं सांगत ती तिच्या निर्णयावर ठाम आहे. या बाबत महिलेनं सांगितलं की, ‘माझा नवरा काही दिवसांपासून खूप अस्वस्थ होता. मी त्याला कारण विचारलं असता, त्याने सुरुवातीला ते सांगण्यास टाळाटाळ केली. पण जेव्हा मी त्याला आमच्या दोघांच्या मुलाची शपथ घेण्यास सांगितलं, तेव्हा त्याने मला तो अस्वस्थ का आहे, याचं कारण सांगितलं आणि तो रडू लागला. तेव्हा मी त्याची समजूत काढली. मला माझ्या पतीने सांगितलं की, त्याचं एका मुलीवर खूप प्रेम असून, त्याला तिच्याशी लग्न करायचं आहे. तो तिच्याशिवाय जगू शकणार नाही, असंही माझ्या पतीनं मला सांगितलं आहे.’

दुसऱ्या महिलेशी पतीचा कसा आला संपर्क?
संबंधित महिलेच्या पतीचा दुसऱ्या महिलेशी कसा संपर्क आला, हे देखील आता समोर आलं आहे. ही महिला काही दिवसांपूर्वी आई झाल्याचं सांगण्यात येतंय. तिच्या बाळंतपणात तिची सेवा आणि घरातील इतर कामं करण्यासाठी तिच्या घरामध्ये एक तरुणी आली होती. ही तरुणी काहीकाळ सदर महिलेच्या घरी राहिली. या काळात महिलेचा पती त्या तरुणीवर प्रेम करू लागला. जोपर्यंत ती तरुणी महिलेच्या घरी राहत होती, तोपर्यंत सर्वकाही व्यवस्थित चालू होतं; पण जेव्हा ती तरुणी त्यांच्या घरातून गेली, तेव्हा महिलेचा पती नैराश्यात गेला. हा सर्व प्रकार पतीने पत्नीला सांगितल्यावर स्वतःच्या पतीला काहीतरी होईल, या विचारानं ती अस्वस्थ झाली. त्यानंतर तिने परिसरातील सर्वांत सुंदर मुलीचं घर गाठलं आणि त्या मुलीच्या कुटुंबाशी स्वतःच्या पतीच्या लग्नाची बोलणी सुरू केली.

पोलीस ठाण्यापर्यंत गेलं प्रकरण
जेव्हा संबंधित महिलेनं मुलीच्या घरामध्ये जाऊन तिच्या कुटुंबीयांशी स्वतःच्या पतीच्या लग्नाची बोलणी केली, तेव्हा कुटुंबीयांना मोठा धक्काच बसला. ते तिच्यावर संतापले, त्यांनी महिलेला घरातून हाकलून दिलं. त्यानंतर संबंधित महिलेनं थेट पोलीस ठाणे गाठलं. ती पोलिसांना म्हणाली की, ‘माझ्या पतीचे त्या मुलीशी लग्न झालं नाही, तर तो खूप नैराश्यात जाईल. हे मी कोणत्याही परिस्थितीत सहन करू शकणार नाही. कृपया त्या मुलीशी माझ्या पतीचं लग्न करून द्या.’ हे ऐकून पोलिसही चकित झाले. पोलिसांनी महिलेला खूप समजावून सांगितलं. पण ती स्वतःच्या निर्णयावर ठाम आहे.
दरम्यान, हा धक्कादायक प्रकार समोर आल्यानंतर त्याची चर्चा सहारनपूर परिसरात सुरू आहे. यामध्ये नेमकी पतीची चूक आहे की पत्नीची, यावरूनही चर्चा रंगू लागली आहे.