भंडारा जिल्ह्याच्या मोहाडी तालुक्यातील रोहणा येथील घटना
नव प्रहार/भंडारा(जि.प्र.)
राजू आगलावे
रागाच्या भरात सासऱ्याने सुनेच्या पाठीवर कु-हाडीने वार करुन सुनेची निघृण हत्या केल्याची ह्रुदयद्रावक घटना भंडारा जिल्ह्याच्या मोहाडी तालुक्यातील रोहणा येथे शुक्रवार दि.१६ जून रोजी सकाळच्या सुमारास घडली . मृतक सुनेचे नाव प्रणाली उर्फ पिंकी सतिश ईश्वरकर वय (३०) असे असून आरोपी सासऱ्याचे नाव बळवंत रघू ईश्वरकर वय (५८)वर्ष असे आहे .
माहीतीनुसार घटनेच्या वेळी मृतकाचा पती हा गावातील चौकात स्वतःच्या किराणा दुकानात होता , तर आरोपी शेतावरून दूध घेवुन घरी आला , तेव्हा पिंकी नेहमीप्रमाणे घराच्या अंगणात भांडे घासत होती , दरम्यान सुना मौका पाहुन आरोपीने राग मनात ठेवून, पिंकीच्या मानेवर मागेहून कु-हाडीने घाव घातल्याने पिंकीचा जागीच मृत्यु झाला . त्यानंतर आरोपी मोहाडी पोलीस स्टेशनला स्वतःच गेला व मी माझ्या सुनेची हत्या केल्याची त्याने कबुली दिली .घटना स्थळावरुन आरोपी गेल्यानंतर मृत सुनेचे प्रेत त्याच ठीकाणी रक्ताच्या थारोळ्यात पडून होते , काही वेळाने लहान मुले तिथे खेळण्यासाठी गेले असता त्यांना मोठ्या प्रमाणात रक्त सांडलेले व मृतक भांड्यावर पडलेली दिसुन आल्याने त्यांनी ही बातमी मृतकच्या पतीला दिली. मोहाडी पोलीसानी घटना स्थळiचा पंचनामा केल्यानंतर पिंकिचे प्रेत शवविच्छेदनiसाठी मोहाडी रुग्णालयiत पाठविण्यात आले. सदर हत्या घरगुती भांडणातुन झाल्याची चर्चा गावात सुरू होती. मृतक पिंकीला एक ३ वर्षाचा मुलगा असून तो आता आईविना पोरका झाला आहे .
मोहाडी पोलिसानी आरोपी सासऱ्याला अटक केली असून त्याचे विरुद्ध भादवी कलम ३०२ अन्वये गुन्हा दाखल केला आहे . पुढील तपास ठाणेदार पुल्ल्ररवार व कर्मचारी करीत आहेत.
