भंडारा नवप्रहार प्रतिनिधी / हंसराज
भंडारा :- आसगाव वासियांवर आलेल्या महापुराच्या भयंकर स्थितीत रेड क्रॉस सोसायटी भंडाराने त्वरित प्रतिक्रिया दिली. गावातील घरे पाण्याखाली गेल्याने आणि धान्य सडल्याने दुर्गंधी पसरली आहे. याची दखल घेत जिल्हा परिषद प्राथमिक शाळेत आरोग्य तपासणी शिबिर आयोजित करण्यात आले.
जिल्हाधिकारी योगेश कुंभेजकर, जिल्हा शल्य चिकीत्सक डॉ. दिपचंद सोयाम, जिल्हा आरोग्य अधिकारी डॉ. मिलींद सोमकुवर, आणि रेड क्रॉस सोसायटीचे उपाध्यक्ष डॉ. चंद्रमोहन गुप्ता यांच्या प्रमुख उपस्थितीत हे शिबिर पार पडले. अनेक डॉक्टरांनी या शिबिरात सहभाग घेऊन नागरिकांची आरोग्य तपासणी केली आणि त्यांना आवश्यक वैद्यकीय मदत पुरवली.
मुसळधार पावसामुळे काही नागरिकांनीच शिबिराचा लाभ घेतला. त्यामुळे आणखी दोन दिवस शिबिराचे आयोजन करण्याची मागणी करण्यात आली आहे.
शिबिरात उपस्थित प्रमुख व्यक्तींमध्ये डॉ. जयंत गिऱ्हपुंजे, हेमंत चंदवास्कर, राजु खवस्कर, सरपंच निशिता कोरे, प्रितम राजाभोज, डॉ. बावणकुळे, डॉ. लेपसे, डॉ. स्नेहा तुरस्कर, डॉ. ठक्कर, डॉ. रूद्रसेन भजनकर, विलास केजरकर, समीर नवाज, मिरा भट, योगतज्ञ रश्मी गुप्ता, डॉ. शुभम निखाडे आणि अन्य मान्यवरांचा समावेश होता.
डॉ. नितीन तुरस्कर यांनी शेती, गप्पी मासे व आशा वर्कर यांच्या कार्याची माहिती दिली. उपस्थित मान्यवरांनी आहार, डेंग्यू आणि निरोगी दिनचर्या याबद्दल मार्गदर्शन केले. यावेळी आशा वर्कर, शिक्षिका आणि सदस्य यांना पल्स ऑक्सिमिटरचे वितरण करण्यात आले.
कार्यक्रमाचे सूत्रसंचालन डॉ. चंद्रमोहन गुप्ता यांनी केले, तर प्रास्ताविक डॉ. नितीन तुरस्कर यांनी केले. आभार प्रदर्शन समीर नवाज यांनी मानले.
कार्यक्रमाच्या यशस्वीतेसाठी शुभम भेदे, राजेश शरणागत, टिकाराम गडपायले, राहुल पटले, ज्योती मेश्राम, कमलेश मानकर, सुरज भगत, विमल टिपले, शितल रामटेके, मंगला मेंढे, रेखा हत्तीमारे, अनिता मांडवकर, हिरा इलमकर व अन्यांनी सहकार्य केले.
