तो बालक बिबट्याचा बळी नव्हे तर त्याची हत्या, आरोपीला अटक

पुणे जिल्ह्यातील शिरूर तालुक्यातील दहिवडी येथील मांजरेवस्ती येथे 12 वर्षीय मुलाचा मृतदेह आढळला होता. कदाचित बिबट्याच्या हल्यात मुलाचा मृत्यू झाला असावा असे वाटत होते. पण त्याचा खून  झाल्याचा प्रकार तपासात उघड झाला आहे. घटना मंगळवारी घडली होती. साईराज गणेश मांजरे असं खून झालेल्या बालकाचं नाव होतं. या घटनेनंतर संपूर्ण पुणे जिल्ह्यात खळबळ उडाल्याचं समोर आलं.  ही हत्या असल्याचं तपासात समोर आलं. त्यानंतर आता 24 तासात पोलिसांनी आरोपीच्या मुसक्या आवळल्या आहेत. पोलिसांनी अत्यंत वेगाने तपास चक्रे फिरवत अक्षय मांजरे नावाच्या आरोपीला ताब्यात घेतलं आहे.