२६ नोव्हेंबरला ओबीसी ना सहभागी होण्याचे आवाहन.
– प्रदीप वादाफळे .
अरविंद वानखडे /यवतमाळ – जिल्हास्तरीय आरक्षण समर्थनार्थ ओबीसीच्या विविध मागण्यांकरिता महामोर्चाचे आयोजन २६ नोव्हेंबरला करण्यात आले या मोर्चाला ओबीसी समाजातील लाखो लोकांना सहभागी होण्याचे आवाहन आयोजक ओबीसी आरक्षण परिषद यवतमाळ यांनी केले.
हा मोर्चा आझाद मैदानातून महात्मा ज्योतिराव फुले पुतळ्याजवळ २६ नोव्हेंबरला दुपारी १२.३० वाजता निघणार असल्याची माहिती ओबीसी महामोर्चा चे अध्यक्ष प्रदीप वादाफळे यांनी आयोजित पत्रकार परिषदेत माहिती दिली.
शासनाने मराठ्यांना आरक्षण देण्यासाठी कुणबी जात प्रमाणपत्र देण्याचा जो सपाटा लावला तो आम्ही खपवून घेणार नाही. ओबीसी मधून मराठ्यांना आरक्षण देण्यात येऊ नये ही आमची स्पष्ट भूमिका असून जर शासन ऐकण्याच्या मानसिकतेत नसेल तर महाराष्ट्रभर तीव्र आंदोलन करू असा इशारा देखील यावेळी देण्यात आला आहे.
ओबीसी मध्ये अनेक जात प्रवर्ग असून त्यामध्ये मराठ्यांना ओबीसी प्रवर्गात आणखीन समाविष्ट करण्याचा प्रयत्न केल्या जात असेल तर ओबीसी ते खपवून घेणार नाही. मराठा समाजाला आरक्षणा देण्यासंदर्भात आमचा विरोध नाही. शासनाने तो कुठून द्यावा हा त्यांचा प्रश्न आहे. मात्र ओबीसी मधून आरक्षण मराठ्यांना देणं हे आम्हाला मान्य नाही अशा शब्दात आज त्यांनी शासनाला इशारा दिला जर शासन दुटप्पी भूमिका राबवत असेल आणि ओबीसी मधून आरक्षण दिल्या जात असेल तर उभ्या महाराष्ट्रात ओबीसी आंदोलन उभारणार त्या नुसार यवतमाळ जिल्ह्यातील ओबीसी महामोर्चा संघटक संपूर्ण विदर्भ महामोर्चाच्या माध्यमातून दिल्ली आणि मुंबई येथे धडक देईल असे ओबीसी महामोर्चाच्या पदाधिकाऱ्यांनी सांगितले.
यासोबतच विविध मागण्या करीता जातीनिहाय जनगणना करण्यात यावी मराठ्यांना सरसकट कुणबी जातीचे प्रमाणपत्र देऊन त्यांचे ओबीसी करण करू नये. सरकारी नोकरीतील कंत्राटी तत्त्वावर पदभरती बाबतचा शासन निर्णय त्वरित रद्द करण्यात यावा सरकारी शाळा कॉलेज दवाखाने इतर संस्थांचे खाजगीकरण बाबतचा शासन निर्णय त्वरित रद्द करण्यात यावा. व्यावसायिक व इतर शिक्षणामध्ये १०० टक्के स्कॉलरशिप लागू करण्यात यावी. ओबीसी जनगणने नुसार शेतकरी शेतमजुरांच्या विकासाकरता बजेटमध्ये अनुदानाची आर्थिक तरतूद करण्यात यावी. सरकारी निम सरकारी मध्ये बहुजन समाजाचे कर्मचारी मोठ्या प्रमाणात येत असल्यामुळे त्यांना जुनी पेन्शन लागू करण्यात यावी. ओबीसींच्या सरकारी नोकऱ्यातील अनुशेष जाहीर करून तात्काळ बंद भरती सुरू करण्यात यावी. ओबीसीची क्रिमिलेअरची घटना विरोधी अट रद्द करण्यात यावी. ओबीसी कर्मचाऱ्यांना एससी एसटी प्रमाणे पदोन्नती मध्ये आरक्षण देण्यात यावे. सारथी बार्टीच्या धरतीवर महाज्योती या स्वायत्त संस्थेत निधी उपलब्ध करून देण्यात यावा. विद्यार्थ्यांकरता प्रत्येक शहरात तालुक्यात स्वतंत्र वाचनालय तथा अभ्यासिका तयार करण्यात यावी. ओबीसी विद्यार्थ्यांकरता प्रत्येक तालुकास्तरावर वस्तीगृहाची निर्मिती करावी शेतकऱ्यांच्या शेतमालाला हमीभाव देण्यात यावा तसेच शेतकऱ्यांना एससी एसटी प्रमाणे शेतीपूरक लागणारे साहित्य देण्यात यावे. याशिवाय अन्य मागण्या देखील या महामोर्चाच्या माध्यमातून करण्यात येणार आहे.
पत्रकार परिषदेला प्रदीप वा, एड. राजेंद्र महाडोळे,शैलेश गुल्हाने,नरेंद्र गद्रे प्रा. प्रकाश फेंडर, रमेश ठाकरे, साहेबराव जुनघरे, सतीश भोयर, यांच्यासह इतर मान्यवर उपस्थित होते.
