तहसिल पोलीसांची कामगिरी :जबरी चोरी करणाऱ्या चार आरोपींना अटक, चार गुन्हे उघडकीस

प्रतिनिधी अमित वानखडे

दिनांक २२.०७.२०२३ चे १०.०० वा. चे सुमारास फिर्यादी हितेश बाबुराव पुणेकर वय ३० वर्ष रा. टिमकी, दादरापुल, प्रायमरी शाळेजवळ हे त्यांचे अॅक्टीव्हा मोपेड गाडी क. एम.एच ४९ बि.सी २६१२ ने टिमकी चौक येथुन जात असता त्यांचे अॅक्टीव्हा गाडीला मोटरसायकल क्र. एम.एच ४९ सि.ए ३१८६ चे चालकाने पाठीमागुन धडक मारली. फिर्यादीने गाडी थांबविली असता मोटरसायकल वरील दोन इसम तसेच समोरून पायदळ आलेल्या इसमाने मिळुन, संगणमत करून फिर्यादीस हातबुक्कीने व रॉडने हातापायाला मारून जखमी केले. पायी आलेल्या इसमाने फिर्यादीस चाकुचा धाक दाखवून फिर्यादीचे खिश्यातील ५००/- रू दराच्या च्या चार नोटा एकुण २०००/- रू जबरीने हिसकावुन घेतले व जातांना जिवे ठार मारण्याची धमकी दिली व पळुन गेले. फिर्यादी यांनी दिलेल्या रिपोर्ट वरून आरोपींविरूध्द कलम ३९४, ३२३, ५०६(ब), ३४ भादवी अन्वये गुन्हा नोंदवून तहसिल पोलीसांनी आरोपींचा शोध घेवून मोटरसायकल वरील आरोपी १) अमन सूर्यकांत चावरे वय २५ वर्ष २) अकीत सुर्यकांत चावरे वय २३ वर्ष दोन्ही रा. तांडापेठ, जुनी वस्ती, पाचपावली यांना अटक केली होती. आरोपींचा साथिदार क. ३) सुजल चंद्रशेखर चिनकूरे वय १९ वर्ष रा. प्लॉट न. ८४, कामना नगर, कळमणा, नागपूर यास दिनांक २४.०७,२०२३ रोजी अटक करण्यात आली.
अटक आरोपींची सखोल विचारपूस केली असता आरोपींनी वरील गुन्हयाची कबुली दिली. आरोपींचे ताब्यातुन गुन्हयात वापरलेले दोन लोखंडी रॉड, एक चायनिज चाकु व रोख २,०००/- रू तसेच गुन्हयात वापरलेली होन्डा शाईन एम.एच ४९.सि. ए ३१८६ किमती २०,०००/- रु ची जप्त करण्यात आली.
दिनांक १५.०७.२०२३ चे ११.०० ते १६.०० वा चे दरम्यान फिर्यादी फिरोज अहमद खान वय ३५ वर्ष रा. सेवासदन बिल्डींग मागे, हंसापूरी, नागपूर यांनी त्याची होन्डा कंपनीची पॅशन गाडी क्र. एम.एच ४९ ए.बी ७९७८ ही मुंशी मस्जिद जवळ, राणा कॉम्प्लेक्सचे पार्किंग मध्ये पार्क केली असता, अज्ञात आरोपीने चोरून नेल्याने कलम ३७९ भा. द.वी अन्वये गुन्हा नोंद होता. तहसिल पोलीसांनी मिळालेल्या खात्रीशीर माहिती वरून व तांत्रीक तपास करून आरोपी सचिन परसराम पार्डीकर वय ३५ वर्ष रा. नाईक तलाव तांडापेठ पाचपावली यास ताब्यात घेवुन विचारपूस केली असता आरोपीने वर नमुद गुन्हा केल्याची कबुली दिली. आरोपीस अटक करून त्याचे ताब्यातील वरील वाहन किमती ४०,०००/- रू चे जप्त करण्यात आले. आरोपीची सखोल विचारपूस केली असता त्याने पोलीस ठाणे सिताबर्डी हद्दीतुन पांढऱ्या रंगाची अॅक्टीव्हा गाडी एम.एच ३१ डी.पी. ९३४९ किमती २०,०००/- रूची व पोलीस ठाणे जरीपटका हद्दीतुन सुझुकी अॅक्सेस क. एम.एच ४९ ए.डी ७६८३ किमती ४०,०००/- रू ची चोरी केल्याची कबुली दिली. आरोपीचे ताब्यातुन नमुद वाहने जप्त करण्यात आले आहे. तहसिल पोलीसांनी एकुण चार आरोपींना अटक करून एक जबरी चोरी व तिन वाहन चोरीचे गुन्हे उघडकीस आणलेले आहे.

वरील कामगिरी मा. पोलीस उप आयुक्त परि क. ३. सहा. पोलीस आयुक्त कोतवाली विभाग यांचे मार्गदशनाखाली पोनि विनोद पाटील, पोनि गुन्हे विनायक गोल्हे, सफी राजेश ठाकुर, पोहवा संजय शाहु, संदीप गवळी, नापोअ प्रशांत चचाने, नजीर शेख, रोशन तिवारी, पोअ वैभव कुळसंगे, कुणाल कोरवे, रोहिदास जाधव यांनी केली.