अंजनगाव सुर्जी बुधवारा येथे घरगुती सिलेंडरचा स्फोट;लहान मुलानसह ९ जण गंभीर जखमी.

अंजनगाव सुर्जी मनोहर मुरकुटे

अंजनगाव सुर्जी शहरातील बुधवारा येथे आज दिनांक १५ एप्रिल रोजी दुपारी १२ च्या सुमारास घरगुती सिलेंडर मधुन गॅस गळती झाल्यामुळे घरात सिलेँडरचा स्फोट झाला.त्यामुळे हा भीषण अपघात घडला.या अपघातात लहान मुलांसह ९ जण गंभीर जखमी झाल्याची माहिती प्राप्त झाली असून ९ जखमींना ग्रामीण रुग्णालय अंजनगाव सुर्जी येथे जखमी अवस्थेत उपचारासाठी दाखल करण्यात आले आहे.सविस्तर माहिती अशी की बुधवारा येथील शिवा चिन्ना गौर व घरातील पुरुष मंडळी हे त्यांच्या व्यवसायासाठी बाहेर गेले होते.घरी सर्व महिला उपस्थित असताना नवीन सिलेंडर मधून गॅस गळती होत असल्याने त्यांच्या घरी असलेल्या सिलेंडर टाकीने अचानक पेट घेतला त्यामुळे घरात उपस्थित असलेल्या चार लहान मुलांसह पाच महिला गंभीर जखमी झाल्या आहेत यामध्ये प्रामुख्याने भारती शिवा गौर वय वर्ष (५०),गंगाबाई रामलाल गौर वय वर्ष (७०),उमा लखन गौर वय वर्ष (५०),निकिता अक्षय गौर वय वर्ष ३० ममता संतोष गौर वय वर्ष (३५), हंसिका संतोष गौर वय वर्ष (१२),हंसिका मनीष गौर वय वर्ष (९) आयुष अक्षय गौर वय वर्ष (३), पियूष अक्षय गौर वय वर्ष (६)असे नऊ जण जखमी झालेल्यांची नावे आहे.घटनेची माहिती बुधवारा परिसरात वाऱ्यासारखी पसरताच,परिसरातील नागरिकांनी घटनास्थळी धाव घेवून जखमींना ग्रामीण रुग्णालय अंजनगाव सुर्जी येथे उपचारासाठी दाखल केले असता डॉक्टर अमोल नालट, डॉ तरुण पटेल व त्यांच्या टीमने जखमींवर प्राथमिक उपचार केले. वृत्त लिहिस्तोवर जखमी हे ग्रामीण रुग्णालय येथे भरती होते.
: जखमींमध्ये निकिता अक्षय गौर ही जास्त प्रमाणात भाजल्यामुळे तिची प्रकृती चिंताजनक असल्याची माहिती मिळाली