पोलीस विभाग हादरला,  पोलीस उपनिरीक्षकाची गळफास घेऊन आत्महत्या नागपूर /विशेष प्रतिनिधी 

नागपूर /विशेष प्रतिनिधी

             शहरातील यशोदा नगर पोलीस ठाण्यात कार्यरत एका 34 वर्षीय पोलीस उपनिरीक्षकाने गळफास लावत आत्महत्या केल्याने पोलीस विभागात खळबळ माजली आहे,.मानसिक तणावातून त्यांनी हे पाऊल उचलल्याचे बोलल्या जात आहे.

गिट्टीखदान पोलीस स्टेशनच्या हद्दीत पोलीस वसाहतीत ही घटना घडली आहे. गोपाल गोळे मागील तीन दिवसांपासून कार्यरत असलेल्या यशोधरानगर पोलीस ठाण्यात सुद्धा गेले नव्हते, अशी माहिती देखील समोर आली आहे.

गोपाल गोळे यांच्या पत्नी मागील काही दिवसांपासून घरी नव्हत्या. मात्र मागील तीन दिवसांपासून गोळे यांचा फोन बंद असल्याने पत्नीला संशय आला. त्यानंतर गोळे यांच्या कुटुंबियांना याबाबत पोलीस स्टेशनमध्ये फोन करुन चौकशी केली. त्यावेळी ते पोलीस स्टेशनलाही आले नसल्याची माहिती मिळाली. गिट्टीखदान पोलीस स्टेशनच्या दोन कर्मचारी गोळे यांच्या घरी पोहोचले. त्यावेळी गोळे हे घरात पंख्याला लटकलेल्या अवस्थेत आढळले. घटनास्थळी पोलिसांना कोणतीही सुसाईड नोट सापडलेली नाही. त्यामुळे पोलिसांना अकस्मात मृत्यूची नोंद केली असून पोलीस अधिक तपास करत आहेत