तरुणीचा ऑनर किलिंग चा प्रयत्न हाणून पाडणाऱ्या पोलिसावर हल्ला 

अकोला / नवप्रहार डेस्क

            जिह्यातील पातूर तालुक्यात येत असलेल्या पेडका पिंपरडोळी येथून एक धक्कादायक घटना समोर येत आहे. कुटुंबियांच्या मनाविरुद्ध जाऊन लग्न केलेल्या तरुणीच्या ऑनर किलिंग चा प्रयत्न निष्फळ ठरवणाऱ्या पोलीस शिपायावर तरुणीच्या कुटुंबातील लोकांनी जीवघेणा हल्ला केल्याची घटना घडली आहे. उमेश सांगळे असं हल्ला झालेल्या पोलिसाचं नाव आहे.

मिळालेल्या माहितीनुसार, मुलीच्या कुटुंबियांनी उमेश सांगळे या पोलीस शिपायावर हल्ला केला आहे.  काल संध्याकाळी ही घटना घडली आहे. पोलीस उमेश सांगळेंच्या सतर्कतेमुळं या घटनेतील प्रेमविवाह केलेली तरुणी बचावली आहे. दरम्यान, या घटनेत मुलीची आई आणि दोन भाऊ अशा तिघांवर अकोला जिल्ह्यातील चान्नी पोलिसांत जीवे मारण्याचा प्रयत्न आणि शासकीय कामांत अडथळा निर्माण करण्याचा गुन्हे दाखल करण्यात आला आहे. तिन्ही आरोपींना चान्नी पोलिसांनी अटक केली आहे.