भावा सोबत अनैतिक संबंध असल्याच्या कारणावरून बहिणींनी महिलेला दगड विटांनी ठेचले ; मृत्यू 

वाशीम / नवप्रहार डेस्क

           जीह्यातील कारंजा शहरातील गौतम नगर भागात एक भयानक घटना घडली आहे. भावा सोबत महिलेचे अनैतिक संबंध असल्याच्या संशयावरून चार बहिणींनी महिलेला रस्त्यात अडवून तिच्यावर दगड विटांनी हल्ला चढवला. त्यात ती गंभीर जखमी झाली. आणि तिचा मृत्यू झाला.

चार बहिणींनी मिळून संशयित महिलेला रस्त्यात अडवले व तिला दगड विटांनी मारहाण करायला सुरुवात केली. या मारहाणीत महिला गंभीर जखमी झाली. तिला रुग्णालयात नेत असतानाच वाटेतच तिचा मृत्यू झाला.

पोलिसांनी दिलेल्या माहितीनुसार मृत महिला आणि आपल्या भावामध्ये अनैतिक संबंध असल्याचा संशय या चार बहिणींना होता. यातूनच त्यांनी या महिलेला मारहाण केली.या प्रकरणी चारही महिलांना अटक करण्यात आली आहे.

आरोपी महिलांचे वय २० ते ३५ वर्षांमध्ये आहे. या चार जणींनी मृत महिलेच्या डोक्यात विटांनी प्रहार केला. डोक्यात जबर मार लागल्याने महिलेला रक्ताची उलटी झाली. स्थानिकांनी तिची या चार महिलांच्या तावडीतून सुटका करत तिला रुग्णालयात नेण्याचा प्रयत्न केला. मात्र रुग्णालयात नेईपर्यंत तिचा मृत्यू झाला. अशी माहिती पोलिसांनी दिली आहे. दरम्यान या प्रकरणी संशयित असलेल्या लक्ष्मण नावाच्या व्यक्तीनेही गळफास घेत आत्महत्या केली आहे.