क्राइम
….. अन रात्रीतून ऑफिस झाले गायब ; अनेक बेरोजगारांचा हिरमोड , आर्थिक नुकसान
अहमदाबाद / नवप्रहार मीडिया
बेरोजगारांना रोजगार मिळाला की ते त्यांना किती आनंद होतो हे त्यांनाच कळू शकते ज्यांनी बेरोजगारीचे चटके अनुभवले आहेत. बेरोजगारांना रोजगार देण्यात आला असेल आणि ज्याने रोजगार दिला तोच जर नसेल तर बेरोजगारांच्या मनावर याचा काय परिणाम होतो ? हे त्या युवकांना आणि तरुणींना माहीत जे रोजगाराचे स्वप्न पाहून आणि भविष्याच्या अनेक कल्पना आखून नोकरीवर रुजू होण्यासाठी आले असतील. ‘नशिबाने काय थट्टा चालवली ‘ ? असा प्रश्न त्यांना नक्कीच पडेल. असाच प्रकार अहमदाबाद येथील तरुनांसोबत घडली आहे. आता आपणाला प्रश्न पडला असेल की नेमका प्रकार काय आहे ? तर जाणून घेऊ या नेमके काय घडले.
अहमदाबादमधला रामनगर परिसर मोठ्या इमारतींसाठी ओळखला जातो. अनेक मोठी ऑफिसेस इथं आहेत. त्यापैकी मोन्डल हाइट्स नावाच्या इमारतीतदेखील अनेक ऑफिसेस आहेत; पण त्या इमारतीतलं एक ऑफिस 200 जणांसाठी धक्कादायक ठरलं. त्या इमारतीतलं एक ऑफिस चार दिवसांत गायब झालं. खुर्च्या, टेबल, डेस्क आणि ऑफिसमधले कर्मचारी गायब झाल्याने नोकरीसाठी आलेल्यांना मोठा धक्का बसला.
एखाद्या चित्रपटासाठी सेट उभारला जातो, अगदी तसं या इमारतीत एक मोठं ऑफिस तयार केलं गेलं. नोकरीसाठी इच्छुकांना बोलावलं गेलं. सिलेक्शनच्या नावावर कोणाकडून 20 हजार, तर कोणाकडून 30 हजार रुपये घेतले गेले. चार दिवसांत या ऑफिसमध्ये 200 युवक-युवती आले आणि लाखो-कोट्यवधी रुपये गोळा करून ऑफिसमधले कर्मचारी फरार झाले. पोलीस सध्या या प्रकरणाचा तपास करत आहेत. आतापर्यंत या प्रकरणातले सर्व पीडित पुढे आलेले नाहीत.
थोड्या वेळाने एचआर डिपार्टमेंटच्या एका व्यक्तीने तिला ‘इंटरव्ह्यूसाठी मॅनेजरनं बोलावलं आहे’ असा निरोप दिला. देविका खूप खूश होती. अशा शानदार ऑफिसमध्ये नोकरी मिळावी अशी तिची इच्छा होती. ती आत गेली. मॅनेजरने तिला बसायला सांगितलं आणि इंटरव्ह्यू सुरू झाला. देविका प्रश्नांची समर्पक उत्तरं देत होती. मॅनेजरने थोडा वेळ इंटरव्ह्यू घेतला आणि देविकाची इच्छा पूर्ण झाली. मॅनेजरने देविकाला सिलेक्शन झाल्याचं सांगितलं.
त्यानंतर देविका एचआर डिपार्टमेंटमध्ये गेली. तिथं काही औपचारिक बाबी पूर्ण केल्या. तिला दोन दिवसांत म्हणजे सोमवारपासून कंपनी जॉइन करण्यास सांगण्यात आलं. तिला सुमारे 35 हजार रुपये पगार मिळणार होता. त्यानंतर तिच्याकडून लॅपटॉप आणि इतर लॉजिस्टिकसाठी 20,800 रुपये घेतले गेले. देविका आनंदात घरी परतली. याप्रमाणे या ऑफिसमध्ये इतरही अनेकांचे इंटरव्ह्यू झाले. या कंपनीने 200 जणांचं सिलेक्शन केलं.
दुसऱ्या दिवशी देविका ऑफिसला गेली असता तिला त्या ठिकाणी ऑफिस नसल्याचे आढळले. देविकाने या ऑफिसबाबत चौकशी केली असता, असं कोणतंही ऑफिस इथं नसल्याचं लोकांनी सांगितलं. देविकाला विश्वास बसत नव्हता. दोन दिवसांपूर्वी असलेलं एवढं ऑफिस अचानक गायब कसं होऊ शकतं, असा प्रश्न तिला सतावत होता. तिने आजूबाजूच्यांकडून माहिती मिळवली असता समजलं, की ते ऑफिस केवळ चार दिवसांकरिता उघडण्यात आलं होतं. त्यांनी केवळ चार रात्रींचं भाडं दिलं होतं.
यावरून आपली फसवणूक झाल्याचं देविकाच्या लक्षात आलं. आता पोलीस या प्रकरणाचा तपास करत आहेत.
