सेफला चे कला शिक्षक अजय जीरापुरे यांनी संत जगनाडे महाराज यांचे रेखाटले सुंदर चित्र

महाराष्ट्राला अनेक थोर मोठ्या संत- महात्म्यांची परंपरा लाभलीआहे. संतांनी आपल्या वाणीने, लेखणीने, कर्तृत्वाने वैदिक धर्माचे, गीता धर्माचे पुनरुज्जीवन करून सर्वसामान्य लोकांना भक्तीचा मार्ग दाखवला. यातीलच एक महान संत म्हणजे संताजी जगनाडे महाराज.ज्यांना संताजी महाराज म्हणूनही ओळखले जाते. संताजी महाराज हे तुकाराम महाराजांचे शिष्य होते. ते संत तुकारामांनी रचलेल्या अभंगांच्या संग्रहाचे, अर्थात तुकाराम गाथेचे लेखनिक होते..*
*तुकारामांच्या मुखातून निघणारे अभंग ते आपल्या लेखणीने टिपून घेत असत. संत तुकाराम महाराजांची गाथा जेव्हा इंद्रायणी नदीत फेकुन दिल्या. तेव्हा संताजी महाराजांनी तेरा दिवसात ती अभंग गाथा जशीच्या तशी तुकारामांच्या स्वाधीन केली. पुढे जेव्हा मोगल सैन्याने हल्ला चढविला तेव्हा संताजींनी अभंगाचे गाठोडे श्री क्षेत्र सदुंबरे येथे आणून ठेवले. अशाप्रकारे संत तुकाराम महाराजांच्या विचारांना जिवंत ठेवण्याचे महान कार्य संत संताजी जगनाडे महाराजांनी केले.त्यांनी 1699 साली श्रीक्षेत्रसदुंबरे येथे आपला देह ठेवला..
*से.फ.ला.हायस्कूल धामणगाव- रेल्वे जिल्हा-अमरावतीचे कला शिक्षक -चित्रकार अजय जिरापुरे यांनी आज 9 जानेवारी संत संताजी जगनाडे महाराज यांच्या पुण्यतिथीनिमित्त फलकावर त्यांचे व्यक्तिचित्र साकार करून विनम्र अभिवादन केले आहेत..*