अंधाधुंद गोळीबार अनेकांचा मृत्यू 

नेदरलँड / नवप्रहार मीडिया 

                 दोन वेगवेगळ्या ठिकाणी झालेल्या गोळीबारात अनेक नागरिकांचा मृत्यू झाल्याची घटना नेदरलँड येथे घडली आहे. येथील वैद्यकीय विद्यापीठ आणि एका घरात ही घटना घडली आहे. स्थानिक पोलिसांनी मृतांचा आकडा जाहीर केलेला नाही. ‘व्हिओन न्यूज’ने या घटनेबद्दल वृत्त दिलं आहे.

नेदरलँडच्या पोलिसांनी सोशल मीडियाद्वारे माहिती दिली की, ‘रॉटरडॅम विद्यापीठाच्या मेडिकस सेंटरमध्ये आणि एका घरात अंधाधूद गोळीबाराची घटना घडली आहे. एका ३२ वर्षांच्या तरुणाने गोळीबार केल्याचा संशय आहे. या गोळीबार प्रकरणी एकाला अटक केली आहे. या तरुणाने दोन ठिकाणी गोळीबार केला आहे. या तरुणाच्या गोळीबारात नेमकं किती जण जखमी झाले आहेत, याची माहिती अद्याप स्पष्ट झालेली नाही’.

तत्पूर्वी, या घटनेच्या दोन तासानंतर पोलिसांनी सांगितले की, या गोळीबारात काही जणांचा मृत्यू झाला आहे. या प्रकरणाबाबत स्थानिक अधिकाऱ्यांनी वेळ मागितली आहे. त्यानंतरच पोलिसांच्या सोबत पत्रकार परिषद घेऊन माहिती देण्यात येईल.या घटनेसंबंधित एका व्हिडिओत दिसत आहे की, पोलीस विद्यार्थ्यांना बाहेर जाण्याचे आदेश देत आहेत. या व्हिडिओ विद्यार्थी महाविद्यालयाच्या गणवेशावर दिसत आहेत. घटनास्थळी पोलिसांचा मोठा बंदोबस्त दिसत आहे. तर या व्हिडिओत आरोपीच्या हाताला बेड्या घातल्या आहेत, असं व्हिडिओमध्ये दिसत आहे.