वादात मित्राने मित्राला टेरेस वरुण फेकुन दिले 

वडगांव शेरी / नवप्रहार मीडिया

                    दुकानदाराला उधारीवर माला देन्यास का मनाई केली ? यावरून उद्भावलेल्या वादात एका मित्राने दूसरया मित्राने टेरेस वरुण ढकलून दिल्याने त्याचा मृत्यू झाला आहे.घटना सोमवारी (दि.13) रात्री बाराच्या सुमारास वडगाव शेरी येथील संजय गांधी सोसायटीमध्ये घडला आहे.

बैजु लक्ष्मी मंडल  (वय-35 रा. संजय गांधी सोसायटी, वडगाव शेरी) असे खून झालेल्या व्यक्तीचे नाव आहे. तर शंभु दपी राम (वय-47 रा. संजय गांधी सोसायटी, वडगाव शेरी) याच्यावर आयपीसी 302 नुसार गुन्हा दाखल करुन अटक केली आहे. याबाबत मृत बैजु याचा मित्र संतोष कोंडीबा गिनलवाड (वय-32 रा. संजय गांधी सोसायटी, वडगाव शेरी) यांनी चंदननगर पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, मृत व्यक्ती, फिर्य़ादी व आरोपी हे एकाच ठिकाणी राहतात. सोमवारी रात्री फिर्य़ादी यांचा मित्र बैजू आणि आरोपी शंभु यांच्यात वाद झाला. बैजू याने शंभू याला ‘मला उधारीवर माल देऊ नकोस असे दुकानदाराला का सांगितले’ याचा जाब विचारला. त्यावेळी दोघांमध्ये वाद झाला. याच वादातून आरोपी शंभु राम याने बैजू मंडल याला जीवे मारण्याच्या उद्देशाने बिल्डिंगच्या टेरेसवरुन खाली ढकलून दिले. यामध्ये गंभीर जखमी होऊन बैजु याचा मृत्यू झाला. घटनेची माहिती मिळताच पोलिसांनी घटनास्थळी धाव घेतली. घटनास्थळाचा पंचनामा करुन आरोपीला अटक केली.
पुढील तपास सहायक पोलीस निरीक्षक घोरपडे  करीत आहेत.