स्पा आणि सलूनच्या नावाखाली देहव्यापार , कोडवर्ड द्वारे दिला जात होता प्रवेश 

नागपूर / क्राईम रिपोर्टर 

        स्पा आणि सलूनच्या नावाखाली देह व्यापार सुरू असल्याची गोपनीय माहिती पोलिसांना मिळाल्यावर पोलिसांनी त्या ठिकाणी धाड टाकत तीन महिलांची सुटका केली आहे. तर एका तरुणाला अटक केली आहे.

गोपनीय माहितीच्या आधारे  शहरातील सदर छावणी परिसरात असलेल्या ग्रेप्स स्पा अँड सॅलूनवर पोलिसांच्या गुन्हे शाखेने छापा टाकला.

या कारवाईत तीन महिलांची सुटका करण्यात आली असून, या प्रकरणात एका 22 वर्षीय तरुणाला पकडण्यात आले आहे. स्पामध्ये येणाऱ्या ग्राहकांना एका विशिष्ट सांकेतिक शब्दाच्या आधारे प्रवेश दिला जात असल्याचा आरोप पोलिसांनी केला आहे. या प्रकरणी स्पाचा मालक गुंजन राजेश आसरे आणि व्यवस्थापक अन्नु जमीर यांचा शोध सुरू आहे. स्पा आणि सॅलूनच्या आड महिलांकडून देहव्यापार करून घेतला जात असल्याचा संशय पोलिसांनी व्यक्त केला आहे.

पोलिसांच्या माहितीनुसार, शनिवारी सायंकाळी सुमारे पाच वाजण्याच्या सुमारास गुन्हे शाखेच्या सामाजिक सुरक्षा विभागाने आणि मानवी तस्करीविरोधी पथकाने ग्रेप्स स्पा अँड सॅलूनवर छापा टाकला. या ठिकाणी कथित गैरप्रकार सुरू असल्याची माहिती मिळाल्यानंतर पोलिसांनी कारवाईचे नियोजन केले होते. त्यासाठी दोन पंच आणि एका बनावट ग्राहकाची मदत घेण्यात आली. त्यानंतर पोलिसांच्या पथकाने स्पामध्ये प्रवेश करून तपासणी केली. या कारवाईदरम्यान तीन महिलांची सुटका करण्यात आली. स्पामध्ये नेमक्या कोणत्या पद्धतीने ग्राहकांना प्रवेश दिला जात होता आणि महिलांना या कथित प्रकारात कसे सहभागी केले जात होते, याची माहिती पोलीस गोळा करत आहेत.

पोलिसांनी दिलेल्या माहितीनुसार, स्पामध्ये येणाऱ्या ग्राहकांना एक विशिष्ट सांकेतिक शब्द दिला जात होता. या शब्दाच्या आधारे ग्राहकांना प्रवेश मिळत असल्याचा आरोप आहे. महिलांना अधिक पैसे कमावण्याचे आमिष दाखवले जात होते आणि त्यानंतर ग्राहकांना बोलावून त्यांच्याकडून देहव्यापार करून घेतला जात असल्याचा संशय पोलिसांनी व्यक्त केला आहे. या प्रकरणात हार्दिक नावाच्या 22 वर्षीय तरुणाला पकडण्यात आले आहे. मात्र, स्पाचा मालक गुंजन राजेश आसरे आणि व्यवस्थापक अन्नु जमीर हे अद्याप पोलिसांच्या हाती लागलेले नाहीत. त्यांचा शोध घेण्यासाठी पोलिसांकडून प्रयत्न सुरू आहेत.