क्राइम

गोळी झाडून पळून जाणाऱ्या आरोपींचा पाठलाग करत केली हत्या

Spread the love

डोमनचक/विशेष प्रतिनिधी

गोळी झाडून पळणाऱ्या आरोपींचा  गावकऱ्यांकडून पाठलाग करत त्यांना बेदम मारहाण झाल्याने त्या तिघांचा मृत्यू झाल्याची घटना बिहारच्या पाटणा जिल्ह्यातील गोपालगंज ठाण्याच्या हद्दीतील डोमनचक गावात घडली आहे.

या प्रकरणी मिळालेली माहिती अशी की, गोपालपूर येथे 75 वर्षीय अशर्फी राय हे आपल्या घराच्या दाराशी बसलेले होते. दोन मोटारसायकलस्वार तिथे आले आणि त्यांनी त्यांच्यावर दोन ते तीन गोळ्या झाडल्या. गंभीर जखमी अवस्थेत त्यांना तात्काळ पीएमसीएच रुग्णालयात नेण्यात आले, मात्र डॉक्टरांनी त्यांना मृत घोषित केले.

दरम्यान, अशर्फी राय यांची हत्या करून पळणाऱ्या दोन्ही आरोपींचा ग्रामस्थांनी पाठलाग केला. भोगपूर परिसरात त्यांना बेदम मारहाण केली. आरोपींचा ठेचून खून केला. दोघांचा घटनास्थळीच मृत्यू झाला असून त्यांची ओळख अद्याप पटलेली नाही.

घटनेची माहिती मिळताच सिटी एसपी परिचय कुमार, डीएसपी रंजन कुमार आणि जवळच्या पोलीस ठाण्यांच्या टीमने तातडीने घटनास्थळ गाठले. एफएसएल पथकानेही पुरावे गोळा केले. पोलिसांना घटनास्थळी तीन रिकामे काडतूस सापडले आहेत.ही हत्या जमिनीच्या वादातून झाल्याची प्राथमिक शक्यता पोलिसांकडून व्यक्त केली जातेय.

या घटनेत तीन जणांचा मृत्यू झाला असून डोमनचक आणि आसपासच्या भागात तणावाचं वातावरण पसरलं आहे. सिटी एसपी यांच्या नेतृत्वाखाली मोठा पोलीस बंदोबस्त तैनात करण्यात आला आहे. परिसरातील सीसीटीव्ही फुटेज जप्त करण्यात आले असून पोलिसांकडून कसून तपास सुरु आहे.

What’s your Reaction?
+1
0
+1
0
+1
0
+1
0
+1
0
+1
0
+1
0

मुख्य संपादक : संजय पांडे

Tags

Related Articles

Back to top button
Close
Close