पती- पत्नीचा मृतदेह आढळल्याने गावात खळबळ

काय आहे प्रकरण?
लोणी बुद्रुक गावातील उषा विलास सुर्वे या महिलेची निर्घृण हत्या झाली आहे, तर तिचा पती विलास सुर्वे यांचा ही मृतदेह झाडाला फाशी लागलेल्या अवस्थेत आढळला आहे. पती-पत्नीच्या अशा मृत्यूमुळे लोणी बुद्रुक परिसरात एकच खळबळ माजली आहे. उषा सुर्वे या महिलेची निर्घृण हत्या झाल्यानंतर तिचा मृतदेह लोणी परिसरातील मोरदडा शिवारात आढळला तर तिचा पती विलास सुर्वे यांचा मृतदेह झाडाला फाशी लागलेल्या अवस्थेत लोणीपासून जवळच असलेल्या मढी शिवारात आढळला आहे.

पत्नीची निर्घृण हत्या तर पतीचा गळफास लागलेला मृतदेह आढळल्याने लोणी बुद्रुक परिसरात खळबळ माजली आहे. या पती पत्नीच्या मृत्यूमुळे त्यांची दोन मुले पोरकी झाली आहेत. उषा सुर्वे या महिलेच्या हत्येचा तसेच विलास सुर्वे यांच्या मृत्यूचा तपास रिसोड पोलीस करत असून या मृत्यूचे कारण शोधण्याचे आव्हान रिसोड पोलिसांसमोर आहे.